قربان کسن زماندا قربانه سو وئرللر #عباسیه_امینی_خویی

زبانحال حضرت ابوالفضل (ع)
..
..
..
مرحوم حاج رسول امینیان خویی
..
..
..
قربان کسن زماندا قربانه سو وئرللر
عطشانم ای جماعت عطشانه سو وئرللر
..
..
..
ای شام و کوفه اهلی وی لشگر جفا جو
شرم ایلیون سیز الله مردانه لیق دگول بو
قربان راه حقّم لب تشنه ام ورون سو
ذبح ایلین زماندا قربانه سو وئرللر
..
..
..
سیز عمرمون بهارین وئردوز دم خزانه
اوّل سو مشگین ائتدوز اوز تیروزه نشانه
الده سو جامی قیزلار ایندی گلوب فغانه
رحم ایلیون جماعت عطشانه سو وئرللر
..
..
..
قوللار قلم یارالی پیکر دوشوب کمنده
بی حس اولور وجودیم شمشیرلروز اَننده
اوخ ویرمیون دوباره یوخ طاقتیم بدنده
قلبیم یانور سوسوزدان سوزانه سو وئرللر
..
..
..
سقای تشنه گانم لب تشنه ام اوزومده
سو مشگیم اوخلانوب اوخ مسکن دوتوب گوزومده
دوغرانسا قطعه قطعه جسمیم وارام سوزومده
شرعاً بودور سوسوزدان کیم یانه سو وئرللر
..
..
..
قوی اللریم کسیلسون حقین لواسی قالسون
قوللار گیدوب رضایم الله رضاسی قالسون
قارداشیمون سوسوزدان دیل سیز بالاسی قالسون
قویساز اگر آپارسا هر یانه سو وئرللر
..
..
..
مرد حقیقتم من حق سایه سی باشیمدا
خنجرلروز دوتوب یر منیم ایکی قاشیمدا
اسلامه سر سپاهم سلطاندی قارداشیمدا
کفره اگر دیسم سو سلطانه سو وئرللر
..
..
..
سیز باغلادوز فراتی اولاد مصطفایه
اَل ویرمیسوز بو چولده فکره گلن جفایه
ساقی منیم آتام دور ایندی گلر هرایه
کوثردن ای جماعت الآنه سو وئرللر
..
..
..
قرآن منیم کتابیم قرآنه قربان اولدوم
جانانمین یولوندا جانانه قربان اولدوم
ناحق یره بویاندیم القانه قربان اولدوم
قربان کَسَن زماندا قربانه سو وئرللر
..
..
..
ای سر سپاه اسلام صاحب لوا ابوالفضل
الدن دوتان الیوه جانلار فدا ابوالفضل
سن یار با وفاسن ای با وفا ابوالفضل
لطف ایله گل دیار ایرانه سو وئرللر
..
..
..
ای شیر داور اوغلی وی دینه یاور اوغلی
ای شاه لا فتانون شیر غضنفر اوغلی
ام البنین زارین ای ناز پرور اوغلی
سقائیدون دیردون عطشانه سو وئرللر
..
..
..
ویروک قسم یارالی سردار کربلایه
الله امام عصری گوندر گله هرایه
رزمندگان قرآن وورمیش صدا صدایه
اسلام سایه سینده انسانه سو وئرللر
..
..
..
ای درد بی دوانین درمانی الله الله
ساخلا حمایتینده ایرانی الله الله
ایرانیانه حاکم قرآنی الله الله
قرآن دیر جهاندا کیم یانه سو وئرللر
..
..
..
یاز شعرون ای «امینی» ور دفترون صفاسین
چنگ توسلینده آل دردیوین دواسین
رزمندگان قرآن امید آل یاسین
نخلان دین حق و قرآنه سو وئرللر
…
…
…
…
#عباسیه #امینی_خویی #عباسیه_شهادت #ترکی #زبدةالاشعار