زبانحال امام حسین (ع) در شهادت قاسم (ع) خطاب به خواهر (س)
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
#سبک_ای_باد_صبا … 7 سبک
مشابه
.
گل زینب اولوب دینه فدا قارداشیم اوغلی
یاخدی الینه قاندان حنا قارداشیم اوغلی
.
.
اهل حرمی ساخلا خیامون قاباقیندا
قویما دایانا تازه گلین طوی اطاقیندا
دامادیمزون جسمی قالوب آت ایاقیندا
میداندا اولوب غرق بلا قارداشیم اوغلی
.
.
آلدیم سسینی فرقۀ اعدا آراسیندا
میداندا گوروش ایله میشم آی پاراسیندا
چشمه کیمی باخ قانی جوشور هر یاراسیندا
زینب گلور اعضاده یارا قارداشیم اوغلی
.
.
گلسون آناسی صورت گلنارینی گورسون
پوزقون چمنینده گل گلزارینی گورسون
ظلمیله شکسته دُرِ شهوارینی گورسون
آفاقه سالوب شور و ندا قارداشیم اوغلی
.
.
گلزار محبّتده گل پرپره باخدیم
گوز یاشی توکوب یاره لنن پیکره باخدیم
سیلدیم گوزونون قانینی خوش گوزلره باخدیم
محزون سسیمه ویردی صدا قارداشیم اوغلی
.
.
اوز قدّینه ، یاره گوره خلعت بیچر عاشق
لازم گر اولا سو یرینه قان ایچر عاشق
جانانینی تز گورمگه باشدان گچر عاشق
دنیایه نشان ویردی وفا قارداشیم اوغلی
.
.
میدانه گیده مندن آلوب کسب اجازه
قاسم قوشولوب یوسف زیبای حجازه
فردوسیده مستغرق اولوب نعمت و نازه
یاریندن عجب گوردی عطا قارداشیم اوغلی
.
.
مسموم اولوب ئولدی باباسی ملک وطنده
اکبر کیمی چوخ ایسته میشم قاسمی منده
فخر ایله میشم دایمی اکبرله ، گزنده
اولموشدی منه سرو صفا قارداشیم اوغلی
.
.
#قاسمیه #معزی_اردبیلی
#قاسمیه_شهادت
#گل_زینب_اولوب_دینه_فدا_قارداشیم_اوغلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید