قرص قمر سن الحق طلعتده یا ابوالفضل #عباسیه_رضوی_زنجانی

وصف قمر بنی هاشم حضرت ابوالفضل (ع)
گریز به شهادت آن بزرگوار
..
..
..
..
..
رضوی زنجانی
..
..
..
..
..
قرص قمر سن الحق طلعتده یا ابوالفضل
دریای بیکرانسان رحمتده یا ابوالفضل
..
..
..
..
..
ای افتخار شیعه ای جلوه گاه ایمان
خاممده یوخ توان تا ایتسون جلالین عنوان
دریا جلالتیندن قطره یازانمز هیچ آن
اما ئوزون کرم قیل ناچیزه ایله احسان
ایتمه حقیری مأیوس خلعتده یا ابوالفضل
..
..
..
..
..
باب الحوائج آدون عالم گدا قاپوندا
ای لطفی بی نهایت وار چوخ صفا قاپوندا
هر کیم گلوب اولوبدی حاجت روا قاپوندا
ازبر ایدوبدی آدون اهل عزا قاپوندا
عاشقلرون دیلگر هیئتده یا ابوالفضل
..
..
..
..
..
آچدون گوزون علینون بیت امامتینده
مولا قولوندان اؤپدی روز ولادتینده
رشد ایلدون امامین حصن ولایتینده
آئینه سی علینون اولدون صلابتینده
مانند شیر حقسن هیبتده یا ابوالفضل
..
..
..
..
..
خورشید اولوبدی نور رخساریون مریدی
عالمده قهرمانلار قولاریوین مریدی
رزمنده رزمگه ده ایثاریوین مریدی
باشینده تاج اولانلار درباریوین مریدی
شاهلار قاپوندا دورموش خدمتده یا ابوالفضل
..
..
..
..
..
حاتم گدادی خوان لطف و کرامتینده
شیعه گزور جهاندا ظل عنایتینده
حیدردن ارث آپاردون الحق شجاعتینده
بیت الغزلدی ادون غیرت کتابتینده
واضح دیوم علیسن غیرتده یا ابوالفضل
..
..
..
..
..
دنیایه گوز آچاندان اولدون حسینه عاشق
عاشق ولی نه عاشق مولای عشقه لایق
اللّهه عبد صالح ای سمبل خلایق
گلزار بنده لیقدا بیر عطریلی شقایق
شمشادیسن بهار خلقتده یا ابوالفضل
..
..
..
..
..
مولادن اورگنوبسن آزاده لیق مرامین
لوح وفاده باشدا دنیا یازوبدی نامین
ئوز گوزلریندن آرتوق سن گوزلدون امامین
قانیله ایتدون امضا مولامیزین قیامین
اهل جهانی قویدون حیرتده یا ابوالفضل
..
..
..
..
..
دل باغلادون ازلدن دلبند مرتضایه
پروانه تک دولاندون دور او مقتدایه
اولموش حسینده عاشق سن تک مه وفایه
معناده لطف زهرا باشیوه سالدی سایه
اولدون عزیز زهرا حرمتده یا ابوالفضل
..
..
..
..
..
الحق سنیله آیری دنیاسی وار حسینون
باغ وفاده سرو زیباسی وار حسینون
باخماز فراته سن تک دریاسی وار حسینون
پایان خدمتنده امضاسی وار حسینون
چاتماز سنه شهیدان رفعتده یا ابوالفضل
..
..
..
..
..
مولا دیردی آی سان لیل دجاده قارداش
گلمز بو روزگاره سن تک وفاده قارداش
مرآت مرتضا سن کرب و بلاده قارداش
حیدر دوشر جمالین گوردوقجا یاده قارداش
چون مرتضا علیسن ،صولتده یا ابوالفضل
..
..
..
..
..
آلدون غرض اجازه گیتدون جهاد و جنگه
لنگ ایلدون جهانی بیر دمده اهل ننگه
حمله ایدنده قوم صد چهره رنگ رنگه
کام عدوده شهدی دوندرمیسن شرنگه
تحسین ایدوب حسین اول ساعتده یا ابوالفضل
..
..
..
..
..
یوخ فرصتیم دیم تا سالدون نه نوعی طوفان
افسوس دوشدی قولار جرئت تاپوب لئیمان
دورت سمتیدن یاغوب اوخ پیکر پر آچدی اوخدان
قولسوز بدندن اخدی تپراقه چون قیزیل قان
دوشدون یره او دشت محنتده یا ابوالفضل
..
..
..
..
..
گلدی حسین باش اوسته جسمین یارالی گوردی
بیلمم نه حاله قالدی سنده او حالی گوردی
پژمرده تپراق اوسته لاله مثالی گوردی
غمدن بوکولدی قدی قانلی جمالی گوردی
پوزدون حسینی حال فرقتده یا ابوالفضل
..
..
..
..
..
آلدی باشین دیز اوسته اؤپدی سوسوز دوداقین
دیندیردی هی چاقوردی اول فاطمه قوناقین
دشواریدور بویوردی بو محنت و فراقین
قارداش آنام بهشته الان دوتور سراغین
زهرا یولون گوزتلور جنّتده یا ابوالفضل
..
..
..
..
..
آلدون فراتی امّا سو ایچمدون ادبدن
چونکه یانور بیلوردون بیر شیره خواره تبدن
لب تشنه ترک ایدوبسن دریانی اوّل سببدن
گیت آب کوثر آل ایچ دست شه عربدن
آب فراتی قویدون حسرتده یا ابوالفضل
..
..
..
..
..
محنت باغی بو یرده ویردی جوانه قارداش
هجرینده آتش دل چکدی زبانه قارداش
باخ بیر ئوزون خیامه آه و فغانه قارداش
ایلور رقیّه گوزدن اشکین روانه قارداش
قان یاشی واردی گل تک صورتده یا ابوالفضل
..
..
..
..
..
ای مه غمینده گویده ماهیله کوکب آغلار
احوالیوه گون آغلار هر روز و هر شب آغلار
معناده ناله ایلر زهرای اطیب اغلار
اولسا نقدری عمری بو غمده زینب اغلار
آغلار دیر باجیم هر فرصتده یا ابوالفضل
..
..
..
..
..
قارداش دیمم الیندن دوشدی او قانلی پرچم
قارداش دیمم اولوبدی بو یرده قامتیم خم
بو دشت غمده ایکاش فرصت اولیدی بیر دم
تا سنله آغلاشیدوق زینب غمینده باهم
تک قالدی دشمن ایچره غربتده یا ابوالفضل
..
..
..
..
..
بو دلشکسته دردین آغلار گوزیله یازدی
اودلاندی بو مُحنده یانموش گوزیله یازدی
خامه گلوب فغانه غملی سوزیله یازدی
یوخدور قلمده قدرت لطفون ئوزیله یازدی
ایله کرم زمان رحلتده یا ابوالفضل
..
..
..
..
..
..
..
..
..
..