قصر خضرایه چاتاندا ناله لر ویرانه دن #حضرت_رقیه_اخگر_مراغه_ای

در شهادت حضرت رقیه (س)
.
زبدة الاشعار
.
: @nohe_torki
.
اخگر مراغه ای
.
قصر خضرایه چاتاندا ناله لر ویرانه دن
بیلدیلر بیر خیردا قیز رأس گهربار آختارور
.
قانلی باشی طشت ایچینده گتدیلر ویرانیه
قان دولان گؤزلر گزور بیرخیردا زوّار آختارور
.
هاله تک اطراف ماهی آلدی یورقون قیزلاری
جلوه لندی عاطفه،هم عشق بازار آختارور
.
اوچ یاشیندا خیردا بیر قیز یوز قویوب قانلی یوزه
بیر سنق نی تک سیزیلدیر بوی دلدار آختارور
.
عرض ائدوب بو باشیمی عشقون چکوب ویرانیه
ای گولوم منلن دانیش دل باب گفتار آختارور
.
بلبل باغ وفایم بو قفسده داغدار
من گولون مشتاقیم اما منی خار آختارور
.
بو گئجه وقتی عجب بخت بلندیم یار اولوب
دل غمین فاش ائتماقا بیر کنزالأسرار آختارور
.
بو سنق گوگلومده ای شمع هدایت شعله آچ
نقد جانیله ائده پروانون ایثار آختارور
.
قانلی گؤزلر دقتیله چؤخ باخور رخساریمه
اولمیا سیلی یریندن نقش و آثار آختارور؟
.
یؤخ الون بیر ال چکیدون توز اوتورمیش زلفیمه
بو بلالی باشیم ایندی لطف سرشار آختارور
.
خوش دیلیله بیر نفر اصلا بیزی دیندیرمدی
کیم گورور طعنه ویرور،یا اینکه آزار آختارور
.
بیر بئله مدتده بیر ایستی غذا بیز دادمادوخ
بو مسلمانلار بیزیلن گور نه رفتار آختارور
.
مشکله دوشسه بی بیم زینبده سسلر یاحسین
دوشموشم من مشکله بیر چاره ناچار آختارور
.
اوچ یاشیندا بیر قیزام سینمده داغلار گیزلنوب
مست حُسنون صحبتون آچماقدا هشیار آختارور
.
قوی اوجالسون سینه ده هیبتلی عشقین شعله سی
دار اولوب فانی گؤزومده،بو باشیم دار آختارور
.
وادی هفتم فنا اولماقدی کوی عشقده
جان متاعی الده بو گوگلوم خریدار آختارور
.
قانلی باش بیر یانه دوشدی،بیر یانا نازلی بالا
جسمیدن روح آیریلوب بیر سیر او سیّار آختارور
.
سسلنور زینب آنا یافاطمه ئولدی بالام
گل کمک ایله قیزون ایندی مددکار آختارور
.
قیزلارین دردین آناسی یاخشی درک ایلر آنا
گل سنی زینب قیزون اولموش گرفتار آختارور
.
آغلادی از بس دوتولدی سس داخی گلمور نفس
یؤخ آنا بیر دادرس تقدیر پیکار آختارور
.
«اخگر» ، استادی «کریمی» دن آلوب درس بیان
یازماقا ویرانه دن بیر لایق اشعار آختارور
.
.
#حضرت_رقیه_شهادت
#قصر_خضرایه_چاتاندا_ناله_لر_ویرانه_دن
#ترکی
.
#زبدةالاشعار
.
: @nohe_torki