زبدةالاشعار

دیل آچوب طبعیم گلیب گفتاره اقرار ائیلیوب #حسینیه_شفق_اردبیلی

مدح و میلادیه امام حسین (ع)
.
.
.
قابل منصوری نژاد (شفق اردبیلی)
.
.
دیل آچوب طبعیم گلیب گفتاره اقرار ائیلیوب
مکتب عشقی گوروب، تشریحه اصرار ائیلیوب
.
.
گون تکاپودن دوشوب آیدان گلور یاهو سسی
قمری لر الحان ائدور گلشنده وار کوکو سسی
گلمئیور اصلا نه صیّادین، نده آهو سسی
هر نظرده نوش ائدور گوزلر بو گون مه رو سسی
چشمه چشمه هو دئیور چایدان آخاندا سو سسی
لفظ هو، هر آن بو ذکره نهری وادار ائیلیوب
.
.
باده ی رحمت داشیب رحمت آخور میخانیه
قُبح مِی باطل بو گون اولدی دئیون مستانیه
حوریلر جنّت شرابین توکدولر پیمانیه
ذات حقدن تهنیت گلدی در جانانیه
غیرت و عزّت گلون وئردی احد ریحانیه
بو همان گل دور کی گلشن گل لرین زار ائیلیوب
.
.
گُل نه گُل، زهرا نشانی حیدرین دلداده سی
گُل نه گُل، جان زاده سی، جان مایه سی، جان داده سی
جان نه جان، میخانه ی نورین سعادت باده سی
غیرتین تفسیری، عشقین حدّی، مهرین ساده سی
جلوه گاه عشقیده آچدی شرف سجّاده سی
بیر نظرده مسلمی هم گبری بیمار ائیلیوب
.
.
حُسنی احسندی باشیندا واردی رحمت سایه سی
نوح و عیسی، موسی و یحیی اونون همسایه سی
رتبه سی والادی اولماز آسمان همپایه سی
حُسنونین اولدی شعفلن ماه تابان دایه سی
نور حقدن منشق اولدی جانینین سرمایه سی
رحمةً للعالمین ئوز نورین اظهار ائیلیوب
.
.
گُل دئییم یا من گونش، دلبند آل یاسینه؟
یوسفی گوردوم ولی چاتماز اونون سیماسینه
چاتمئیوب چاتماز دم عیسی یقین انفاسینه
بیر ملاحت گورسدیب گل لر یانوب احساسینه
بو ئوزی سروردی، شاهلار باش اگیب سقّاسینه
لطف بی حدّی اونون، خلقی گرفتار ائیلیوب
.
.
روحی اعظمدی، یاتیب روحینده، روح مصطفی
گون گولنده بو، وئرور، بو تپراقا نور و ضیا
یئل اونون زلفون گزور، گلزاره نقد ائیلور صفا
سجده گاه رازینه، فخر ائیلور هر مقتدا
مقتدالر مقتداسی، جان فدایم، جان فدا
ذرّه دی جانیم سنون لطفوندی بسیار ائیلیوب
.
.
سن مبارک سن حسین جان، سن مبارک سن، حسین
سن یانان پوزقون ئورکلرده آقا حک سن حسین
عشقه مکتب سن آقا، هم عشقه مدرک سن حسین
مکتبون سرمددی، هر مکتبده مسلک سن حسین
آند اولا اللهه سن تک سن حسین، تک سن حسین
مصحفون هر صفحه سی تاکیداً اقرار ائیلیوب
.
.
جام وصلوندن ایچنلر جمله هوشیار اولدیلار
پرچمون اسدوکجه دیللر، دیلده بیدار اولدیلار
آستانونده قالانلار، خلقه سالار اولدیلار
منکرون خوار اولدیلار، عاشقلرون وار اولدیلار
نوحه خوان شاعرلرون مشهور بازار اولدیلار
چون دم جان پرورون، اشعاری اشعار ائیلیوب
.
.
دفتر خلقتده بیر آدسان، آدون مین بیر کتاب
آزمون عشقیده، سن هم سوال و هم جواب
معرفت گنجینه سینده رسم و آیین ثواب
انقلابی جانلارا سنسن ضمیر انقلاب
چهره ی جان پروروندن روشن اولدی آفتاب
گون گورندن نوریوی، ئوز نورین انکار ائیلیوب
.
.
سینه سینه نقل اولوب عشقونده دیوان یازدیلار
بعضی لر بی یار و یاور، تشنه قربان یازدیلار
بعضی سردار شرافت، شیر میدان یازدیلار
بعضی لر جان یازدی، اما بعضی جانان یازدیلار
عرشیده اما یازانلار نصّ قرآن یازدیلار
حُسنیوه، اللهیدا، عشقون خریدار ائیلیوب
.
.
ذکر یا رحمانی یازدون قلّه ی ایمانه سن
شمع رخساره نگاره، چون یانان پروانه سن
ائیله دون ئوز جانیوی قربان آقا قرآنه سن
جانیوی ائتدون فدا جانانیوه جانانه سن
ئولمیوبسن زنده سن هر پاک اولان انسانه سن
تا قرا پرچملرون بو سرّه اقرار ائیلیوب
.
.
خسته کونلوم هر گئجه بیر ماه تابان آختارور
بیر ملک سیما نگاری بیر جهان، جان آختارور
بیر عطش جان، بیر قدح سو، شهد ایمان آختارور
بو سولان گل لر غمونده، قطره باران آختارور
دردیمیز چوخدی حسین جان، هاممی درمان آختارور
هر مریضه رحمتون، شایسته تیمار ائیلیوب
.
.
#حسینیه_میلادیه
#حسینیه_مدح
#دیل_آچوب_طبعیم_گلیب_گفتاره_اقرار_ائیلیوب
#شفق_اردبیلی
#ترکی #حسینیه
#زبدةالاشعار

متن پیشنهادی:  تا حشر رادمردی و جانبازی حسین #حسینیه_ابوالقاسم_حالت

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی