#فرشتگان_در_قتلگاه
#جبرائیل_در_قتلگاه
راز و نیاز امام حسین علیه السلام در #قتلگاه
.
✍️ زبدة الاشعار ✍️
?: @nohe_torki
.
مرحوم ذهنی زاده
.
قطب عالم ذوالجناح اوستن اولان دمده نگون
قالدی اوز دورینده سرگردان سپهر واژگون
.
صدر زین توسنیندن اول خدیو مستطاب
قصد اجلال نزولیله تهی قیلدی رکاب
اختیار ائتدی ترابی نور چشم بو تراب
گورسنوب چرخ شهادت آفتابینده سکون
.
کاش او ساعت که یخیلدی خسرو گردون مدار
اوز مداریندن چخوب عالم اولیدی تار و مار
طی ائدیدی یکسره طومار عمرون روزگار
لم یکن شیئاً اولیدی کائنات و کاف و نون
.
ایسّی گونده ، قوملار اوستونده شهنشاه حجاز
کثرت ایچره قوردی بیر خلوتگه راز و نیاز
سجده حالینده اولوب معبودیله سرگرم راز
عرض ائدوب یا منتهی الآمال کلّ العاملون
.
ای تمام آرزومنده نهایت آرزو
طاعتونده قلبیمین قانی منه آب وضو
درگهونده سجده توپراقی یوزومده آبرو
امروه مُنقاد عبودیّتده بو نفس حُرون
.
گرچه تقدیرونله من امر قضاده راضیم
مبتلالر فیض استخلاصینون فیّاضینم
لیک اوزومده امر تقدیرون نه اولسا راضیم
خوشدلم قالسون نهایت منده رنج آزمون
.
قوملار اوستی ، ایسّی گون ، سوز عطش ، بأس حدید
یاره لر سوزشده ، نار ظلم حدّتلی شدید
هر یارام شوریله بیر قان آغلیان چشم امید
قانلی پیکانلار او گوزلر دورینه قانلی جفون
.
بارگاه کبریادن آلدی رخصت جبرئیل
نازل اولدی قتلگاهه اَلده جام سلسبیل
شهپریله شه باشی اوسته سالوب ظِلّ ظلیل
شمس عشقی تابش خورشیدیدن قیلسون مصون
.
فارغ اولدی حال رازیندن رئیس العاشقین
گوردی سالمیش باشی اوسته سایه جبریل امین
گوردی اوز مستخدم دیرینه سین لطفه قرین
سویلدی کای خدمتیمله مفتخر صاحب شئون
.
جبرئیلا سن هارا خلوتگه جانان هارا؟
ممکن اولماز غیر ذات اولسون حریم ذات آرا
دوست خلوتگاهیدور نه قتلگاه کربلا
دوندروب هر چند قان دریاسینه قوم جبون
.
من سلیمان بلایم بی نیازم شهپره
سایبانیم طایر پیکاندی چاتمیش پرپره
مندن اوزگه کیم وورار تکیه بو قانلی بستره
بیر سلیماندا هانی بیله بساط خاک و خون
.
درک فیض خدمته گلدون بو عالی درگهه
دونسه حرمانه امیدون خوش دگول من تک شهه
گئت منه خدمت یرینه خدمت ائت آل اللهه
اهلیمه خدمت منه عالی حمایتدور بو گون
.
گوش جان وئر دور و برده ذکر یارب یاربه
قیزلارین واعمّتاسیندن آپار پی مطلبه
شهپرون زهرایه خاطر سایبان ائت زینبه
تک قالوبدور زینبیم ، دور و بر اشرار زبون
.
#حسینیه_شهادت
#قطب_عالم_ذوالجناح_اوستن_اولان_دمده_نگون
#ذهنی_زاده
#ترکی
.
✍️ #زبدةالاشعار ✍️
?: @nohe_torki
نظر دهید