قلم الده که ایستوردوم یازام بیر آیری عنوانی #حیدریه_صادقپور

در مدح و شهادت حضرت امیرالمومنین علیه السلام
.
زبدة الاشعار
.
: @nohe_torki
.
صادقپور
.
قلم الده که ایستوردوم یازام بیر آیری عنوانی
بو اثنا ذهنیمه دوشدی یازام من مدح مولانی
.
ولی منده لیاقت یوخ یازیم هانسی مقامندن
علیدور بو قانیلان زنده ایتدی دین و قرآنی
.
عدالتده شجاعتده نظیرین گورمیوب دنیا
یازیم من هانسی اوصافین بونون دریادی ایمانی
.
قلمدن گر سوال اولسا ندور معناسی وجدانون
علیدور معنی وجدان یازار گر اولسا وجدانی
.
علیدور عالمه سرور علیدور یار پیغمبر
یازیم هانسی مقامندن اولان جبریل دربانی
.
علی کیمدور عدالتدور علی دریای رحمتدور
گوروبدور کیم یاتا آیا حصیر اوستونده سلطانی
.
محبتلر نشان ویردی بو دنیا شاه والایه
و لیکن اوچ طلاق ایتدی علی بو فانی دنیانی
.
آلاردی حق مظلومی همیشه شخص ظالمدن
عدالت معدنی راضی ایدردی حى سبحانی
.
گیجه گوندوز گزردی کوچه لرده سرور خوبان
مبادا اینجیده بیر کس یتیمی یا مسلمانی
.
دوشوب محراب عشقه الغرض اول یار مظلومان
صیام آیینده صبح وقتی دلینده عشق جانانی
.
نمازین باشلیوب اول عاشق دلخسته جانان
ویروبدور سجده ده دالدان علینی دشمن جانی
.
یارالی حالیله محرابه دوشدی فاتح خیبر
آخوبدور گل جمالیندن عذاره ذات حق قانی
.
آچوبدورگوزلرین یاریتیمان تا گلوب هوشه
گوروبدور باشی اوسته آغلوری دلبند زهرانی
.
بویوردی مجتبایه آغلاما ای گوزلریم نوری
حسینی رام ایله آغلاتما سن شاه شهیدانی
.
همان موقعده بیر غملی نوا آرامینی آلدی
باخاندا گوردی عباسون الینده تیغ برانی
.
دیوردی هاردادی قاتل حسینجان گل بیان ایله
یانور قلبیم گرک اول ظالمی من اولدورم آنی
.
اشاره ایلدی عباسینه اول سرور عالم
ابوالفضل صبر ایله چوخ آغلاما سن ای ادب کانی
.
اگر چه قاتلیم رحم ایتمدی سیز رحم ایدون اوغلوم
اسیروزدی او ظالیم گر چه یوخدور عهد و پیمانی
.
اگر من اولمسم قالسام اونی آزاد ایدون گیتسون
ولى اولسمده بیر ضربه وار حقوز اولسا امکانی
.
غرض شیر خدانی حمل ایدوبلر مردم کوفه
علی وای ناله سیلن دولمیشیدی شهرون هر یانی
.
اگر چه باطنا یر گوی تماما قاره گیمیشدی
یتیردی انبیا و اولیانون عرشه افغانی
.
بویوردی منزله بیر آز قالاندا ساقی کوثر
گیدرم اوز ایاقیملن ایدون اجرا بو فرمانی
.
منی گورسه بو حالیلن اوزین زینب هلاک ایلر
آناسیزدی حسنجان قویما یانسون قلب سوزانی
.
بجادور عرض ایدک باهم ایا ای سرور عالم
سنه قربان اولا مولا تماما شیعه لر جانی
.
دوزنمیدون او حالیلن سنی گورسون قزون زینب
هایاندیدون قزون زینب گزنده قانلی میدانی
.
.
#حیدریه_مدح
#حیدریه_شهادت
#قلم_الده_که_ایستوردوم_یازام_بیر_آیری_عنوانی
#ترکی
.
#زبدةالاشعار
.
: @nohe_torki