میلاد حضرت سجاد علیه السلام
حاج اصغر فرشچی ( عدلی تبریزی)
بو گجه لطف خدادن بو جهان پر نور اولوب
بیر بالا گلدی جهانه شیعه لر مسروراولوب
اختر و شمس و قمردی چشم دشمن کوراولوب
نورونی گورجاق شیاطین غصه دن رنجوراولوب
شهربانودن گلوب دنیایه بیرزیبا پسر
عالمه وردی نقدری پنج شعبان زیب و فر
روشن ایتدی شاه مظلومان اوین نورخدا
بو تجلّادن اولوبدی بهره مند عرض و سما
گوئیا ماه منیردی نورختم الانبیاء
سیرتی بنزرحسینه خوی و خلقاً مرتضی
شهربانودن گلوب دنیایه بیرزیبا پسر
عالمه وردی نقدری پنج شعبان زیب وفر
بوستان احمدیدن شاخهء طوبای دین
آدعلی فخر زمن دور صنع رب العالمین
پیشوادور مسلمینه سروراهل یقین
زین العابد فخرساجد قائم دین مبین
شهربانودن گلوب دنیایه بیرزیبا پسر
عالمه وردی نقدری پنج شعبان زیب وفر
بو حسینین اوغلی عابد رهبرعالمدی بو
دین وقرآنه بو عامل وارث خاتمدی بو
علمه دریا فضله دارا هم مسحا دمدی بو
ماجرای کربلایه شاهـد اعظـمدی بو
شهربانودن گلوب دنیایه بیرزیبا پسر
عالمه وردی نقدری پنج شعبان زیب وفر
فارغ التحصیل دانشگاه دیندور بو امام
شاهکار خلقت جان آفرین دور بو امام
اوزآتاسی شاه دینه جانشین دوربو امام
منبع جود معنی حصن و حصین دوربو امام
شهربانودن گلوب دنیایه بیرزیبا پسر
عالمه وردی نقدری پنج شعبان زیب وفر
قافله سالار گلوبدی شیعه اولما دلغمین
زینب کبرایه گلدی یوم تَف اولسون معین
ظاهراً بیمار اولی اول گونده فخر الساجدین
لیک شام و کوفه ده بیرنطق ائدرچوخ آتشین
شهربانودن گلوب دنیایه بیرزیبا پسر
عالمه وردی نقدری پنج شعبان زیب وفر
عشقی واردی (عدلینون) بو دلبر جانانیه
گوهر بحر ولایت افسر شاهانیه
مست اولار هرگون اَیَر باش ساقی و پیمانیه
وار امیدی باش چکه ساجد دل دیوانیه
شهربانودن گلوب دنیایه بیرزیبا پسر
عالمه وردی نقدری پنج شعبان زیب وفر
#سجادیه_میلادیه
#بو_گجه_لطف_خدادن_بو_جهان_پر_نور_اولوب
#عدلی_تبریزی
#ترکی
