قلم ایستیر یازا موسی ابن جعفر #کاظمیه_قیزیل_قلم

یاموسی ابن جعفر(ع)
..
..
..
..
اکبر ستاری (قیزیل قلم)
..
..
..
..
قلم ایستیر یازا موسی ابن جعفر
اوره ک سسلندی یا موسی ابن جعفر
آدی مشکل گشا موسی ابن جعفر
سنه جانیم فدا موسی ابن جعفر
آقا اوغلی آقا موسی ابن جعفر
..
..
..
..
امام صادقین نام آور اوغلی
پیمبر خصلت و پیغمبر اوغلی
ابوالرّیحاتینین برتر اوغلی
حَسَن خُلق و حُسینی مظهراوغلی
گلِ خیرالنّساء موسی ابن جعفر
..
..
..
..
اولان ای باب حاجت شیعیانه
او گوندن کی قدم قویدون جهانه
سنه ناسازگار اولدو زمانه
اؤزون ایله نظر درد نهانه
سن ای درد آشنا موسی ابن جعفر
..
..
..
..
سراج روشن اهل طریقت
خروشان چشمه ی علم و فضیلت
ائدن ترویج احکام شریعت
سراسرحلم و کِظم و معنویّت
مثال مصطفا موسی ابن جعفر
..
..
..
..
سخاوت ملکونون سلطانی سنسن
کویرِ مَسکنَت بارانی سنسن
لطافت باغینین ریحانی سنسن
بوتون درد اهلینین درمانی سنسن
دئییر هر بینوا موسی ابن جعفر
..
..
..
..
بئله ثبت ائیلییب اهل کتابت
وجودینده سالیب ریشه عبادت
سنین صبرین تاپیپ دنیاده شهرت
آلیبسان امتیاز استقامت
آدین کانِ وفا موسی ابن جعفر
..
..
..
..
سنیلن چوخ عناده دوردی دشمن
نئجه دام سیاست قوردی دشمن
دویونجاق دیل یاراسی ووردی دشمن
گلِ گلزاریوی سولدوردی دشمن
سنی تاپدی بلا موسی ابن جعفر
..
..
..
..
آدین مسلم قویان اسلام نمالر
یالانچی عابدِ پُر مُدّعالر
نمک نشناس و دون و بیحیالر
اصول دینینه بی اعتنالر
اولوب دیندن جدا، موسی ابن جعفر
..
..
..
..
عنادین آرتیریب اهلِ سَعیّه
دوشوبدور بیر محیطِ تنگه شیعه
بویوردی حضرت نفسِ زکیّه
گرکدیر شیعه لر ائتسین تقیّه
دئدی عبد خدا موسی ابن جعفر
..
..
..
..
سالیبدیر حضرتی دشمن حصاره
دؤزوب جور و جفای بی شماره
امامین قلبینه چوخ دگدی یاره
سؤزی درک ائیلییر اهل اشاره
چکیب گؤر نه جفا موسی ابن جعفر
..
..
..
..
سالیب زندانه هارون ستمگر
اولوب مأموری بیر سِند آدلی کافر
وئریب آزار او مولایه مکرر
بساط ظلمی سِند ائتدی میسّر
دوشوب ائلدن جدا موسی ابن جعفر
..
..
..
..
همان زندانه قیرخ پلّه اَنَردی
سیه چال ایچره حضرت گؤرسنردی
گلیب فریاده زنجیردیللنردی
دیله گلدیکجه گویا سسلنردی
منی عفو ائت آقاموسی ابن جعفر
..
..
..
..
گلیر فریاده زنجیر اؤز سسیندن
سیزیلداردی امامین ناله سیندن
در و دیوار و زنجیر پاره سیندن
اوجالدی ناله محبس گوشه سیندن
بلایه مبتلا موسی ابن جعفر
..
..
..
..
رطوبت یئر قوجا سیّد گرفتار
دولاندی گوندوزی اولدی شب تار
قالیب بیر گؤز یاتانلار ایچره بیدار
نماز اوسته دوروبدور عبد صبّار
ائدیردی التجاء موسی ابن جعفر
..
..
..
..
او زندان ایچره پوزقون حالتیلن
اوتوردی رو به قبله رأفتیلن
ایکی قبله مقابل وحدتیلن
دعا ائیلردی بو کیفیّتیلن
دیلینده ربّنا موسی ابن جعفر
..
..
..
..
الا ای غافر کلّ معاصی
وئرن ای یونسه غمدن خلاصی
ائدن موسایه لطف اختصاصی
قالیب زنداندا پیغمبر بالاسی
نئجه اولسون رها موسی ابن جعفر
..
..
..
..
الهی یوسفه وئردین نجاتی
ائدن ایّوبه آسان مشکلاتی
یاراتدین ذرّه دن سن کایناتی
آییردین یکسره دشت و فَلاتی
دوشوب ناحق اودا موسی ابن جعفر
..
..
..
..
نه ظلم ائتدی اونا سِندابنِ شاهَک
وجودین تازیانِیلن ائدیب حَک
او کافر بی مروّت دیر بلاشَک
دیین یوخدور امامه کَیفَ حالک
قالیب بی آشنا موسی ابن جعفر
..
..
..
..
یئدی جبراً کی زهرآگین رطبدن
وجودی اود دوتوبدور اول سببدن
آلیشدی قلبی سوزِ زهر و تبدن
دئدی خارج ائدن ای روزی شبدن
ائدیر آه و نوا موسی ابن جعفر
..
..
..
..
گلِ گلزارِطاها اولدو پرپر
اَسیبدیر گلشنِ زهرایه صرصر
باتیب یاسه یئنه اولاد حیدر
اؤلوب زندان ایچینده بیر دلاور
گئییب عالَم قرا موسی ابن جعفر
..
..
..
..
اؤلوب زنداندا پیغمبر بالاسی
یوخییدی اوغلو خویش و اقرباسی
گلیب دیدارینه زهرا آناسی
قوروب زندان ایچینده بزم یاسی
دئییر مظلوم بالا موسی ابن جعفر
..
..
..
..
یازیب پیغامینی باد صبایه
روانه ائیلسین اوغلی رضایه
آتان اؤلدی اوغول تئزگل عزایه
گذارین دوشسه خاک کربلایه
دئییر یالیتنا موسی ابن جعفر
..
..
..
..
او یئرده یاده سال جدّیم حسینی
سوسوزالده ئولن نور دوعینی
گؤرنده قبرِشاهِ مشرقینی
چاغیرگلسین عزایه زینبینی
سورا سسلن بابا موسی ابن جعفر
..
..
..
..
#کاظمیه_مدح #کاظمیه
#کاظمیه_شهادت
#قلم_ایستیر_یازا_موسی_ابن_جعفر
#قیزیل_قلم
#ترکی
#زبدةالاشعار