شهادت حضرت زهرا (س)
.
#زبدةالاشعار
.
: @nohe_torki
.
منتظری شریف آباد
.
قناری ئولدی قفس یاندی دودمان آغلور
سارالدی گل پوزولوب غنچه گلستان آغلور
.
اسیلدی باد مخالف عزالی گلزاره
الی قوجاقدا غریبانه باغبان آغلور
.
شرفلی قان ستمیله یاخولدی دیواره
بصیرت اولسا گورر صاحبینه قان آغلور
.
یانان سِنان قاپویا جانشکار مسماره
نه بلکه تک او اِئوین اهلی هر باخان آغلور
.
پیمبرون بالاسی بی گنه جوان ئولدی
تعصّب اهلی یانور پیر و هم جوان آغلور
.
یهود مصلحت اندیشیِ یداللهه
دِلینده کلمه ی ایمان ایدور فغان آغلور
.
ویرنده جان گوز آچوب آغلاسا اگر محسن
صود ایستمور آنا حالینه جانفشان آغلور
.
ندا ایدور که هَلِمّوا تَزَوَّدوا حیدر
باخور او منظره یه اهل آسمان آغلور
.
کفن کناره گئدور گوزلرین آچور ناگه
بتول ناله ایدور خردا کودکان آغلور
.
مزارینی خانمون بیلمورم قازوبدور کیم
بونی یقین بیلورم قبرینی قازان آغلور
.
گئجه زمانی گئدور قبره بانوی یثرب
جنازه نی آپارور نِچّه بی امان آغلور
.
صدا ایدور لَقَدِستُرجِعَت وَدیعه علی
ودیعه نون ویرنی آغلوری آلان آغلور
.
قوتار بو مجلسی گر گوزلرونده وار مشکل
بدنده «منتظِرا»روح و هم روان آغلور
.
.
#فاطمیه_منتظری
#فاطمیه_شهادت
#قناری_ئولدی_قفس_یاندی_دودمان_آغلور
#ترکی
.
#زبدةالاشعار
.
: @nohe_torki
نظر دهید