میلاد مسعود امام زمان (ع)
.
#زبدةالاشعار
.
: @nohe_torki
.
مرحوم صحاف تبریزی
.
قویدى قدم دنیایه خورشید امامت
عصرین أمامی حافظ دین و شریعت
وئردی قدومی عالم امکانه زینت
.
.
اوز اِسمینه یتدی آخوب اشگی عُذاره
آغلار گوزیله عرض ایدوب پروردگاره
قویما الهی من گلوم چوخ آه و زاره
اوز وعده وه ایله وفا ای ربّ العزّت
.
.
سن ویرمسن وعده اوزون ای حیّ ذوالمن
پاک ایلیم روی زمینی کفردن من
نور عدالتله ایدم دنیانی روشن
رشک بهشت عدن اولا بو دار ظلمت
.
.
بو یر یوزیندن محو ایدم کفرین مرامین
حفظ ایلیم شمشیریله حقّین مقامین
بیرده آلام جدّیم حسینون انتقامین
اعدای دینه ایلیم برپا قیامت
.
.
بیرشه که اولسون ذات پاکون خونبهاسی
قانلی ترابی درد بی درمان دواسی
قالسون نجه یرده او قان ، زهرا آناسی
جنّتده گلسون داده توکسون اشگ حسرت
.
.
مین اوچ یوز ایلدی روز و شب بوشاه عالم
قوینندا حسرت اللرى آغلار دمادم
ساخلار لب عطشان جدّینه چوللرده ماتم
واجدّنا سسلر یانار دلدن او حضرت
.
.
ائتدی تجلّی گون کیمی صبحین زمانی
قیلدی سراسر نور باران بوجهانی
دولدوردی جاءالحق صداسی ماسوانی
تا محو اولا باطل گئده کفر و ضلالت
.
.
قویجاق قدم بو عالمه محبوب داور
باش سجیده قویدی او مولود مطهّر
توحید حقّه ایلدى اقرار او سرور
اجدادینون بیربیر آدین سایدی او ساعت
.
.
عرض ائیلر ای جدّا سنون بی رحم عدوان
ئولدوردی یار و یاورون سو اؤسته عطشان
کسدی باشون ظلمیله شمر نامسلمان
اولدی بلا صحراسى محشردن علامت
.
.
توپراقلار اؤسته سالدیلار گل جسمون عریان
سُمّ سمندیله ایدوب خاکیله یکسان
صحرالره پخش اولدی آیه آیه قرآن
هر آیه سی حقیقتوندن بیر حکایت
.
.
امرون تمام اولدی یتوب سعد اوغلی کامه
فرمان ویریلدی غارته أشرار شامه
بیردن توکولدی لشگر کینه خیامه
اولدی بساط سلطنت ظلمیله غمارت
.
.
«صحّاف» غارتده سوزون ساخلا اماندور
آز آل طاها هیئتین بو غمده یاندور
«یاکربلا» بوهیئته ورد زباندور
ایسته خداوند ائیلسون بو جمعه قسمت
.
.
.
.
#مهدیه_صحاف_تبریزی
#مهدیه_میلادیه
#قویدى_قدم_دنیایه_خورشید_امامت
#ترکی
.
#زبدةالاشعار
.
: @nohe_torki
نظر دهید