میلاد امام زمان (عج)
.
✍️ #زبدةالاشعار ✍️
.
🆔: @nohe_torki
.
احمدیان خسروشاهی
.
آفتاب دین ایلیوب طلوع
نوری جلوه گردی عیان بو گون
بو فنا جهانه قویوب قدم
حضرت امام زمان بو گون
عالمه او نورین ضیاسی وار
غیبتینده بیر ماجراسی وار
.
.
عالمه ضیاسی عیان اولوب
ظاهر اولدی نور حقیقتی
دوندروب یوزون قبلیه دوشوب
سجدیه زمان ولادتی
قوزویوبدی سبّابه بارماقین
جاری ائتدی دلده شهادتی
قدرت خدائیله دل آچوب
حق کلامین ائتدی بیان بو گون
.
.
هر امامین آدین بیان ائدوب
بیر به بیر بو گونده او مقتدا
نوبه تا یتیشدی ئوز آدونا
عرض ائدوب او مه پاره ای خدا
سن او وعده که وئرموسن منه
عهدوه الهی ائله وفا
نصرت خداوند عالمه
دل آچوب او شیرین زبان بو گون
.
.
صاق قولوندا حق «جاء الحق» یازوب
باطله چکوب خط بی امان
شیعیه وئروب عزت و شرف
لطفیله خداوند لامكان
گل یوزوندن انوار لم یزل
آیریلوب ایشیقلاندی آسمان
بعضی آغ قاناد قوشلار اولدولار
سامرایه گویدن روان بو گون
.
.
گلدیلر او آغ قوشلار ائتدیلر
دوره سین احاطه او سرورین
جمله آچدی مالیده ایلدی
نازنین او مولوده پرلرین
ئوز آتاسی آلدى قوجاقینه
اؤپدی گوزلرین، غنچه لبلرین
شاه دین بیوردی دانیش بالا
وئر حقیقتی سن نشان بو گون
.
.
قدرت خدائیله دل آچوب
استعاذه اوّل بیوردی تا
ذکر ائدوبدی نام الهینی
ابتداده اوُل نازنین بالا
آیه ی کریمه بیان ائدوب
آیه گوندریب شأنینه خدا
گور نه نوع نطق و بیان وئروب
طفله خالق انس و جان بو گون
.
.
سسلدی او آغ قوشلارین بیرین
چوخ صراحتیله امام حسن
سویلدی بو طفله محافظ اول
ایلدیم بو طفلی سپرده من
آل آپار که هر قرخ گونه گتور
گورماقا بیزه او بالانی سن
نازنین بالانی او قوش آلوب
اولدی عازم آسمان بو گون
.
.
آغلادی آناسی دوزنمدی
درّ تک ائدوب گوز یاشین نثار
گوزلری قالوبدی بالاسینون
فرقتینده حسرتله انتظار
بو آنا بالا سالدی یادیمه
کربلاده بیر طفل شیر خوار
ذكر اولونسا واضح او ماجرا
گوزیاشی توکر شیعیان بو گون
.
.
کربلاده بیر صودامر بالا
حق یولوندا چون وئردی بیر آنا
اوندا که آلوبدور قوجاقینه
اصغرینی مظلوم کربلا
یوز قویوبدی میدانه سو آلا
بس نجه آناسی دؤزوب خدا
تا یتیشدی صفلر قباقینه
رحم ائدون دئدی کوفیان بو گون
.
.
اوچ گون اولدی ای کوفیان بو گون
شدت عطشدن بالام یانور
تشنه ام ئوزومده بالام کیمی
لبلریم سوسوزدان الولانور
نه گناهی وار، رحم ائدون بونا
آچمیوبدی دل قلبیم اودلانور
غشّ ائدوب الیم اوسته گورموسوز
از قالور وئره تشنه جان بو گون
.
.
.
یازما «احمدیان» بو محنتی
گوز یاشی سنه وئرموری مجال
دامن امام زمانی دوت
ایسته سن اگر شوکت و جلال
حجت ابن الحسن چوخ رئوفدور
آغلا صدقیله عیدیانه آل
قسمت اولدی بلکه بو جمعیله
کربلایه اولدوخ روان بو گون
.
.
#مهدیه_احمدیان_خسروشاهی
#مهدیه_میلادیه
#آفتاب_دین_ایلیوب_طلوع_نوری_جلوه_گردی_عیان_بو_گون
#ترکی
.
✍️ #زبدةالاشعار ✍️
.
🆔: @nohe_torki
نظر دهید