قویدی دنیایه قدم حضرت زهرا گوزلی #حسینیه_شایان_ارومیه

میلادیه حضرت اباعبدالله الحسین علیه السلام
.
✍️ زبدة الاشعار ✍️
.
🆔: @nohe_torki
.
کربلایی رحیم شایان
.
قویدی دنیایه قدم حضرت زهرا گوزلی
یعنی مولا میز حسین خالق یکتا گوزلی
.
.
نیجه مولود،اونی حضرت طاها بگنوب
جنت و عدنیده گل صورتین حورا بگنوب
ذبح عظمی دی خدا سر فدینا بگنوب
گوز آچاناندی اولوب عرش معلی گوزلی
.
.
آنا بطنینده آنایله دانیشان، مولا دی
اونا جبریل امین دایه اولا ن مولا دی
نوک انگشت پیمبرله دویان مولا دی
هم بو دنیاده گوزلدی همی عقبی گوزلی
.
.
بیر اوشاقین آتاسی شیرخدا حیدراولا
یا مقدس آناسی فاطمه اطهر اولا
بابا سی ختم رسل احمد پیغمبر اولا
اولاجاق الحق او مه جنت الاعلی گوزلی
.
.
اوءزی زیبا آدی زیبا حسنه نور دو عین
حضرت حق طرفیندن آدی اولموش دی حسین
سالوب افلاکه بو مولود بو گون شوریله شین
سس دوشوب گلدی بو گون سید بطحا گوزلی
.
.
اولاجاقدی بو بالا دوقوز امامون آتاسی
فخر ایدر بو بالا یا دایمی زهرا اناسی
هی دیور وار بالامین واقعه کربلا سی
اوردا گور نیلیاجاق ام ابیها گوزلی
.
.
بو حسینین آدی-تا واردی جهان-زنده قالار
بوتون آزاده اورک لرده بونون عشقی یانار
کعبه عشق اولاجاق هانسی یری ایتسه مزار
رشگ ایدردایم حسینه زکریاگوزلی
.
.
آدینی هر کس ایشیتسه گوزی اشکیله دولار
نیه که گوللری بستان بلالرده سولار
جوت بالاسی اولاجاق فدیه درگاه نگار
بیر ربابون گو زلی بیر ده او لیلا گوزلی
.
.
تا رباب ادی گلوب بحثی دولا ندیردی قلم
اصغر ی یاده سالوب قلبیمی یاندیردی قلم
گوزومون یاشلارینی قانه دولاندیردی قلم
اود ووروب جانیمه اول زینب کبری گوزلی
.
.
ایندی ده آغلییری حتمآ اومظلوم آناسی
حشره جک آغلییاجاق هم اناسی هم اتاسی
وای بالام وایدی فقط تادم حشر اوخشاماسی
هی دییر آغلاما ای شاخه طوبی گوزلی
.
.
.
#حسینیه_میلادیه
#قویدی_دنیایه_قدم_حضرت_زهرا_گوزلی
#ترکی
.
✍️ #زبدةالاشعار ✍️
.
🆔: @nohe_torki