غزل
.
زبدة الاشعار
?: @nohe_torki
.
سید عظیم شیروانی
.
قویموشدی گر فلک منی حسرت جمالیوه
صد شکر عاقبت کی، یئتیشدیم وصالیوه
.
هجر رُخوندا گریه ائله گز دولان گؤزوم
باخدی دویونجا عارض فرخنده فالیوه
.
آرتار کؤنولده شؤوق تماشای عارضین
باخدیقجا حسرتیله سنین گول جمالیوه
.
غم چکمه دی کؤنول داخی عیش و نشاط قیل
کیم اولدی چاره محنت درد و ملالیوه
.
قورخوم بودور کی رشک ائده بو چرخ کج مدار
حسرت قویا منی یئنه اول خطّ و خالیوه
.
لطف ائتمه غیره ئؤلدوری رشک، ای پری! منی
دوشمه داخی، آماندیر، ازلکی خصالیوه
.
بیل وصل یار قدرینی، دوشمزمی سیّدا!
هجرینده چکدیگین غم و محنت خیالیوه
.
#غزل
#مهدیه
#قویموشدی_گر_فلک_منی_حسرت_جمالیوه
#سید_عظیم_شیروانی
#ترکی
.
#زبدةالاشعار
.
?: @nohe_torki
: @nohe_torki . #سبک_دولدوروب_جهانی … مشابه . حاج حسین حسنی تبریزی . گلشن وفانون بلبلی رقیّه قارداشیم حسینه سویگلی رقیّه مجلس عزا قورما اهل بیتیبیشتر
نظر دهید