کوچ از کربلا
.
✍️ زبدة الاشعار ✍️
?: @nohe_torki
.
مرحوم سید احمد یاسر نجفی (ثریا تبریزی)
.
قوی دیوم نلر چکمیشم حسین
من گچن گئجه روزگاریدن
بیر یانان چادر منزلیم اولوب
گورنه دوشموشم اعتباریدن
دویموشام داخی روزگاردن
.
.
.
.
آختاروب نقدری تاپانمادیم
بیر نفر مسلمان گچن گئجه
اهل بیتوه پاسبان اولا
اولمیاخ هراسان گچن گئجه
صبح اولونجا اطراف خیمه نی
گزمیشم هراسان گچن گئجه
اینجیدیم داخی بوردا قالمارام
گورمدیم وفا روزگاریدن
.
پر شکسته قوشلار یغیشدیلار
ظلمیله یانان آشیانیمه
بیر نفر پرستاریم اولمادی
قورخودان دوشوب لرزه جانیمه
نصف شب اوغولسوز آنام گلوب
خیمه گاهیده بیرجه یانیمه
پاسبان اولوبدور اوشاقلارا
قورتولوب باجون گیر و داریدن
.
ایتدی بیر قیزون درد و غصه دن
بُل بو قدر خرسندیدیم ئولم
باش قویوب دالینجا من ایستدیم
آختارام تاپام حالینی بُلم
بیر شقی منه رحم ایلدی
قتلگاهی گوستردی تا گَلَم
وئردی اوز بالامدان منه خبر
گوردی گئتمیشم اختیاریدن
.
سن اوزون بُلورسن نه حالیله
گلدیم ایله بیر دمده یانیوه
کاش گلمییدیم گلن کیمی
اللریم باتوب تازه قانوه
گوردوم اللرون ساربان کسیب
لعن حق گله ساربانیوه
بیله بیوفالوق زمانه ده
گورمیوبدی بیر یاریاریدن
.
باشیوی بدنده گورنمدیم
تار اولوب گوزومده منیم جهان
آنلادیم که حرمت ائدوب سنه
کوللر اوسته خولی وئروب مکان
هر کسه دئدیم باشون ایسته دیم
کوفه نی منه وئردیلر نشان
نه جواب واردور پیمبره
حشرده دورانماز مزاردن
.
گورموشم بو عریان جنازه وی
یوز وئروب منه غصه و محن
چون سویولموشام یوخدی بری زادیم
ایلیم سنون نعشیوی کفن
بیر گلور گمانیم بو ساجلارا
اذن وئر آچوم نعشون اوسته من
چاره یوخدی نیلوم خجالتم
چخمشام بو گون هر نه واردن
.
ساخلا ال ثریا داخی دایان
یازما بوندان آرتوق بو محنتی
بسدی بو قبول ایلسه اگر
پادشاه خوبان بو خدمتی
دل سنون دگول اوزگنوندی دل
باشلوب بیله طرز صحبتی
قیل یقین که تأیید خاصدور
لطف اوزیله پروردگاریدن
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
#کوچ_کربلا
#قوی_دیوم_نلر_چکمیشم_حسین
#ثریا_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید