لشگر گلون ایلیون مروّت #عباسیه_نجمی_تبریزی

زبانحال علمدار کربلا به لشگر اشقیا
.
.
#زبدةالاشعار
.
: @nohe_torki
.
مرحوم نجمی تبریزی
.
لشگر گلون ایلیون مروّت
اوخ مشکیمه وورمیون جماعت
.
عار اولسون اگر دؤنم سوزومدن
اوخلاری وورون ایکی گوزومدن
.
بو مشک دی مایۀ حیاتیم
بو مشک دی کشتی نجاتیم
.
بو مشک ده وار سو منده جان وار
دنیا بویی عمر جاودان وار
.
واضح بولون ای گروه کینه
قرباندی ایکی گوزوم حسینه
.
اوخ خوشدی چوخ اگلنه گوزومده
اوخ اوسته اوخ اگلنه گوزومده
.
بو مشکه اگر توخونسا پیکان
اشک تر فاطمه اولار قان
.
گوزلور ایکی گوزده قانلو اشکی
ذرّیّۀ فاطمه بو مشکی
.
اوخلار خوشام آنّیما دوزولسون
چخسون الیم عمردن اوزولسون
.
امّا قالا بو سو مشکی سالم
عالمدی بونا خدای عالم
.
گوز خوشدی اوخیله یاره لنسون
اما نه سو مشکی پاره لنسون
.
گر پاره لنه سو مشکی لشکر
جان تشه وئرر خیمده اصغر
.
خرگاهیده اودلانور عطشلر
گل تک سارالوبدی غنچه وشلر
.
بو مشکه تیکوبدی گوز اوشاقلار
سو گوزلوری تشنه لب قوناقلار
.
بو مشکه اوخ ایلسه اصابت
خرگاهده باشلانار قیامت
.
محشر اولی آل مصطفایه
ذرّیّۀ ختم انبیایه
.
سو گوزلوری خیمه ده سوسوزلار
فریاده گلوبدی خردا قزلار
.
اَلماء سسی دولدوروب خیامی
عطشانلار الینده بوش سو جامی
.
سانجلسا اوخ اوسته اوخ گوزومده
ای کوفه لیلر وارام سوزومده
.
یوخدور ایله بیر گوزون بهاسی
سو مشکینین اولماسا فداسی
.
بو مشک حیات جاودان دور
هر قطره سی بیر بهالی قان دور
.
ای وای اگر اوخلانا سو مشکی
آلقانه دونر رقیه اشکی
.
لشکر نجه نجم آخار سمادن
اشکیم آخار ایله ابتلادن
.
غم آتشی قلبی یاخسا خوشدور
سو قالسا سرشکیم آخسا خوشدور
.
.
.
.
#عباسیه_نجمی_تبریزی
#عباسیه_شهادت
#لشگر_گلون_ایلیون_مروت
#ترکی
.
#زبدةالاشعار
.
: @nohe_torki