لطف ائدوب بو منزل ویرانه چوخ خوشگلموسن #حضرت_رقیه_احمدیان_خسروشاهی

زبانحال رقیه خاتون خطاب به سر مبارک اباعبدالله
.
#زبدةالاشعار
.
: @nohe_torki
.
#سبک_زینبم_جان_اوستیم …
.
احمدیان خسروشاهی
.
لطف ائدوب بو منزل ویرانه چوخ خوشگلموسن
گل یتوب عمریم گونی پایانه، چوخ خوشگلموسن
.
.
گوز یاشیم دائم انیسیمدی بابا هر صبح و شام
سرفراز ائتدون منی بو گلماقوندان دلخوشام
چیخمادیم پیشوازووه، هجرونده روحاً ناخوشام
میزبان، اکرام ائدر مهمانه چوخ خوش گلموسن
.
.
حرمت ایلرلر قوناقه واقفم بو مطلبه
فرقتون سالموش بو خسته جانیمی تاب و تبه
چوخلی زحمت وئرمیشم یوللاردا عمّه م زینبه
غصّه دن باغری دونوبدور قانه چوخ خوش گلموسن
.
.
عالم عشقونده جانه هر بلانی آلموشام
باشیمه سندن صورا بیر قاره معجر سالموشام
عزتیم الدن گئدوب، بیر ئوزگه حاله قالموشام
گلموشم ویرانسراده جانه، چوخ خوش گلموسن
.
.
ای بابا گوزدن سالوب مدتدى اكبر قارداشیم
فرقتینده آغلارام، قانه دونوبدور گوز یاشیم
حسرتم دیدارینه، آلام غمدور یولداشیم
محنتیله اولموشام هم خانه چوخ خوش گلموسن
.
.
خوردا قیزلار رسمیدور، ایلر آتایه چوخلی ناز
سینون اوسته ناز ائدردیم ای شه ملک حجاز
ای بابا جان اوسته گلدون ایلیاخ راز و نیاز
منده جان بذل ایلرم جانانه چوخ خوش گلموسن
.
.
دلده اکبر آدی قویّام توپراق اوسته باشیمی
دیده دن اشکیم آخار، زلفیم سیلر گوز یاشیمی
ای بابا گویلوم چوخ ایستور صودامر قارداشیمی
دوشمیشم بیر آتش هجرانه، چوخ خوش گلموسن
.
.
سینه ده اللر، آنام آهو کیمی دائم ملر
گوز یاشین رخسارینه غربال چشمیندن الر
آغلیوب لای لای دیر، گوزدن آخان اشکین سیلر
اوخشادار اشکین دُر مرجانه چوخ خوش گلموسن
.
.
نه عم اوغلی نه عمو ویرانسراده یاد ائدر
صبریمون سرحدّینی صغرا غمی برباد ائدر
ایمدی یول گوزلر وطنده ناله و فریاد ائدر
بستر غمده گلور افغانه، چوخ خوش گلموسن
.
.
نوحه یاز ای احمدیان ایله گوزیاشون روان
آغلا ثبت اولسون آدون، بو آستانه نوحه خوان
نا امید ائتمز یقین بو دختر شیرین زبان
دردون عرض ائتسون دیر درمانه چوخ خوش گلموسن
.
.
.
#حضرت_رقیه_احمدیان_خسروشاهی
#حضرت_رقیه_شهادت
#لطف_ائدوب_بو_منزل_ویرانه_چوخ_خوشگلموسن
#ترکی
.
#زبدةالاشعار
.
: @nohe_torki