زبدةالاشعار

باباجان بو نصف شبده بو بِلاده خوش گَلوبسن #حضرت_رقیه_کریمی_مراغه_ای

زبانحال حضرت رقیه سلام الله علیها
.
✍️ #زبدةالاشعار ✍️
.
🆔: @nohe_torki
.

#سبک_سو_یوخومدی_قزلاروندان#سبک_سنه_سو_دین_دوداقلار#سبک_سنی_سسلیور_هرایه …  #سبک_یارالار_سینونده_قارداش#سبک_یانور_اصغریم_سوسوزدان (جوشی زنجیر) و …
.
کریمی مراغه ای
.
باباجان بو نصف شبده
بو بِلاده خوش گَلوبسن
بو خرابه ده سالوبسان
منی یاده خوش گَلوبسن
.
.
بابا بُلمدیم ازلده سنی پیشواز ایدوم من
منی بیرده آل قوجاقه سنه کشف راز ایدوم من
نه عموم نه قارداشیم وار، کیمه بیرده ناز ایدوم من
منه ویرماقا تسلّی بو بَلاده خوش گَلوبسن
.
.
بابا سن کیمی امیره بو مکاندا یوخ لیاقت
گوزوم اوسته قوی اَیاقون، منی ایلمه خجالت
سنه کیم دیدی مریضم گَلوب ایلدون عیادت
قالا قویمادون جنازم بو آراده خوش گَلوبسن
.
.
من او بلبلم اسیر قفسم، چمن سیز اُلّم
بو خرابه گوشه سینده یاتارام وطن سیز اُلّم
نه مزار اولار نه خلعت، بُلورم کفن سیز اُلّم
بُلورم کفن تاپولماز اسراده خوش گَلوبسن
.
.
بابا هیچ یتیمه من تک بو قدر شماتت اولماز
نه چراغ وار نه بستر بیله استراحت اولماز
یاتا بُلمورم آجیمدان، اورگیمده طاقت اولماز
نجه صبر اولار بو ظلمه صغراده خوش گَلوبسن
.
.
بابا سندن آیریلاندان بیله دوشموشم نظردن
نه بیر ایلین حمایت من زار و خون جگردن
گئجه گوندوز انتظارم گَله قارداشیم سفردن
ز بس آغلادیم چاغیردیم سنی داده خوش گَلوبسن
.
.
منی ایلدی زمانه آتاسیز بو اوچ یاشیمدا
بو صغیر سنیلن گور نچه قاره وار باشیمدا
اورگیم دونوبدی قانه، گورونور بو گوز یاشیمدا
منی گورماقا مکان فقراده خوش گَلوبسن
.
.
بو خرابه گوشه سینده باباجان سولوب سارالدیم
منه باخدی گُلدی قیزلار، باشیمی اَشاقه سالدیم
قوجاقوندا بَسلَمیشدون منی گور نه حاله قالدیم
نجه بیر اوشاق دایانسون بو جفاده خوش گَلوبسن
.
.
هانی اکبریم گَلوب بیر اُپه یاشلی گوزلریمدن
آییرانماز اهل عالم گئجه می گونوزلریمدن
دوتوب اود یانار کریمی بو یانیقلی سوزلریمدن
گَلی نی کیمی نوایه بو عزاده خوش گَلوبسن
.
.
.
.
#حضرت_رقیه_شهادت
#باباجان_بو_نصف_شبده_بو_بلاده_خوش_گلوبسن
#حضرت_رقیه_کریمی_مراغه_ای
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ذرّ عالمی باغلانمیش پیمانه سلام اولسون #حسینیه_یحیوی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی