لیلا گورنده اکبری بیر دلدن آغلادی #اکبریه_هندی_تبریزی

شهادت حضرت علی اکبر (علیه السلام)
زبانحال حضرت لیلا (سلام الله علیها) در کوچ از کربلا
.
#زبدةالاشعار
.
: @nohe_torki
.
مرحوم هندی تبریزی
.
لیلا گورنده اکبری بیر دلدن آغلادی
اکبر آدینی سالمادی بیر دیلدن آغلادی
.
دور خاک ذلت اوستن ایاقه عزیز اوغول
گیتدون نه تیز بو مرحله دن تند و تیز اوغول
.
ای باشیمون او جالیقی دورگور باشیمدا یوخ
بیر سایبان مگر بر کف خاک بیز اوغول
.
دوشدوم غریبه گونلره آخر گونیمده من
اولدی قدیم خمیده گوزوم اشگ ریز اوغول
.
زلفون تلینده ایله دوشوب بنده پای دل
تاپماز او قیدیدن داخی راه گریز اوغول
.
هر نیلدی منه منیم أوز بختیم ایلدی
یوخ گردش سپهریله جای ستیز اوغول
.
بد عهد و بیوفا دولانان روزگاره باخ
منله اسیر دیلمه ویرمز تمیز اوغول
.
سن تک انیس قلبیله الفت دوتان آنان
سندن صورا ائدر کیمیله افت و خیزاوغول
.
سن شاهزاده سن، دگلم من سنون آنان
فخریم بو دور قاپوندا اولام بیر کنیز اوغول
.
گتدون مدینه دن منی تخت روانیلن
دور بو سفرده ناقه می گور بی جھیز اوغول
.
گیرم سنه قلج ویرانون رحمی گلمدی
کسدی نه وجهیلن بدنون تیغ تیز اوغول
.
بو طایفه پیمبره باخموب اوتانمیوب
پیغمبرون شبیهین ایدوب ریز ریز اوغول
.
غم چکمه من دویونجا سنه آغلیانمادیم
«هندی» همیشه ماتمون ایلر عزیز اوغول
.
.
#اکبریه_هندی_تبریزی
#اکبریه_شهادت #کوچ_کربلا
#لیلا_گورنده_اکبری_بیر_دلدن_آغلادی
#ترکی
.
#زبدةالاشعار
.
: @nohe_torki