مادحون خلاق داوردی حسین #حسینیه_رمضانی_خاکی

شاه بی بدیل
..
..
..
رمضانی(خاکی)
..
..
..
مادحون خلاق داوردی حسین
شانوه چون آیه گوندردی حسین
..
آیه ی تطهیره کیم باخسا بیلر
منصبون دنیاده برتردی حسین
..
لحمک لحمی سنه ذکر ایلین
مصطفی ختم پیمبردی حسین
..
جمله دریالر آنون مهریه سی
هم آتون ساقی کوثردی حسین
..
عفت و عصمتده بی همتاآنون
بانوان دهره سروردی حسین
..
گتمیوب هیچ کیم قاپونان امید
چون آنون زهرای اطهردی حسین
..
سائلین لیل زفافینده هاچان
فاطمه مایوس قیتردی حسین
..
سویدی تندن تز عروسی کوینگین
بسکه زهرا ذره پروردی حسین
..
مجتبی قارداشون اول مرد کریم
بهر جوده درو گوهردی حسین
..
نه یرین اهلی سرای جودوه
آسمانی لرده نوکردی حسین
..
سن اولاندا درگهونده بیر ملک
تز گدالیق سفره سین سردی حسین
..
قونداقونان عجزیله ئوپدی دئدی
قیل نظر فطرسده بی پردی حسین
..
ائتمرم من ماهیله هرکز قیاس
صورتون گوندن منوردی حسین
..
جلوه ده حاشا یتیشسون گردوه
گون سنون یانونده اختردی حسین
..
جسم پاکون کربلا اقلیمینه
قانون عرش حقه زیوردی
..
گنبدونن نور آلان آخشاملار آی
صبحی لر خورشید خاوردی حسین
..
زائره طوف مزار اطهرون
طوف کعبیله برابردی حسین
..
کربلا قربانگهینده لاجرم
سن خلیل و لیلی هاجردی
..
واردی قربانلاروزون فرقی ولی
مدرکیم چوخ معتبرتردی حسین
..
گلدی ابراهیمه سس قربانلیقا
دین یولوندا لایق اکبردی حسین
..
چوخ سووردی اکبری ذات خدا
مصطفایه بسکه بنذردی حسین
..
یخمادی آتدان سنی اوچ شعبه اوخ
یخدی بلکه اکبرین دردی حسین
..
سو وئرله قربانا بو مطلبه
باخبر قربان کسننردی حسین
..
کسدیله عطشان سنون قربانلارون
دشمنون گورنه ستمگر دی حسین
..
سن نه مظلومانه گور اولدون شهید
بزم یاسون دایر ایللردی حسین
..
حشره اولونجا ای ئولن الده سوسوز
ماتمونده گوزلریم تردی حسین
..
شرم ائدر عشاقوه قوشسون اوزون
کیم منیم تک عاصی نوکردی حسین
..
نوکران صادقون دریادیلر
قطره دنده خاکی کمتردی حسین
..
..
..
#حسینیه #رمضانی_خاکی #ترکی #زبدةالاشعار #حسینیه_مدح