ورود به ماه محرم
.
✍️ زبدة الاشعار ✍️
?: @nohe_torki
.
ستوده
.
ماه محرّمده گلر زهرا نوایه
دلده حسین وای یوز قویار کرب و بلایه
.
واگیر :
ماه محرّم گلدی عزیزان
باشلاندی یاس شاه شهیدان
.
.
بو آیدا زهرا گلشنی دوندی خزانه
فردوسیان قاره چکوب باغ جنانه
جنّت عزاخانه اولوب رضوانیانه
هم مصطفایه تسلیت هم مرتضایه
.
.
فرمان گلر خلاّقدن روح الامینه
کرّوبیان همراه اولون بو شور و شینه
جنّ و ملک ماتم دوتون مظلوم حسینه
دولسون حسین وای ناله‌سی‌عرش خدایه
.
.
بو آی اولوب لیلا جوانی اِرباً اِربا
اکبر، حسین روح و روانی، شبه طاها
سردی عبانی مقتله دلبند زهرا
یعنی اوغول نعشین حسین یغدی عبایه
.
.
آت دیرناقی قاسم قانین تپراقه یاخدی
باسدی حسین آغوشینه عبّاسه باخدی
سویلوب کمک ایله منه، گوز یاشی آخدی
گَل قاسمی حمل ایلیاق خیمه سرایه
.
.
بو آی پیمبر عترتی یاندی سوسوزدان
اصغر بوغازندان دگوب اوچ شعبه پیکان
نهر فرآت آخدی چوله اصغر ایچوب قان
بو آی ربابی گتدیلر نی تک نوایه
.
.
اصغر بو آی سو فکرینی باشدان آتوبدی
عبّاس نام‌آور بو آی قانه باتوبدی
قولسوز کنار نهر علقمده یاتوبدی
امّ البنین آغلار بو آی مشگ و لوایه
.
.
#سبک_ای_درد_بی_درمانلارا (بیش از 10 سبک با واگیر و بدون واگیر)
.
#ورود_محرم
#ماه_محرمده_گلر_زهرا_نوایه
#ستوده_زنجانی
#ترکی
.
✍️ #زبدةالاشعار ✍️
?: @nohe_torki
نظر دهید