زبانحال حضرت زهرا (س) خطاب به رسول اکرم (ص)
#گریز به شهادت امام حسین (ع)
..
..
..
..
مرحوم سید حسین رجائی تبریزی
..
..
..
..
محبس تاریکدور سنسیز بابا دنیا منه
هر ایشیق گوندوز اولوب بیر لیلۀ یلدا منه
..
..
..
..
وار یری سکّان جنّت آغلاسون بو حالیمه
قویمادی بو گردش دنیا یتم آمالیمه
یوخ آنام سندہ گیدورسن وای منیم احوالیمه
قورخورام ظلم ایلسونلر فرقۀ اعدا منه
..
..
..
..
ایلمز سنسیز وفا زهرایه چرخ کجمدار
گورمرم آز مدتِ عمریمده بیر خوش روزگار
آغلارام سندن صورا دنیاده هر لیل ونهار
باخمارام صحرالر اولدی مسکن و ماوا منه
..
..
..
..
آغلارام هجرونده ای روح روانیم آغلارام
آغلارام قربان سنه بو خسته جانیم آغلارام
سسلرم گیتدى الیمدن مهربانیم آغلارام
قوی سنه مجنون دین کسلر دیسون لیلا منه
..
..
..
..
مدت عمریندہ صبر ایتدون نقدری زحمته
ایتمدون هرگز شکایت خالق ذوالعزّته
جانیوی وقف ایلمیشدون سن نجات امّته
اجرینه سندن صورا ایلله چوخ ایذا منه
..
..
..
..
گلمیشم بی جا دگل بو نوعیله فریاده من
استراحت گورمرم سندن صورا دنیاده من
هر بلا و محنته اولدوم بوگون آماده من
باشلانور بوندان صورا بیر محشر کبرا منه
..
..
..
..
راحت اولماز بیرده قلبیم یالقیز ایوده غصّه دن
اشقیای امّتون قویماز قالام آسوده من
حقّیمی الدن آلار ظلمیله اشرار زمن
یوز ویرر بو باره دن هر محنت عظما منه
..
..
..
..
مجلس شورا قورار سندن صورا اهل جفا
بیر جماعت حکم آلار درگاهیمی یاندیرماقا
حاضر اولّام قوللاریمدان تازیانه وورماقا
قویمارام ایتسون حکومت مجلس شورا منه
..
..
..
..
ای اولان ختم رسل اسلامیانه افتخار
من سنون ساینده اولموشدوم عزیز روزگار
آگهم سنسیز منه دشمن لریم سیلی ورار
تک گوروب جرأت تاپار هر ناکس و ادنا منه
..
..
..
..
سنله گوردوم عزّت دنیانی بیر مدّت بابا
غصّه مرگ ایتدی سنی آز عمردہ محنت بابا
اولماسان عالمده یالقزلار منی حسرت بابا
یوز ویرر درد و مصیبت گونده بیر دریا منه
..
..
..
..
نیلرم دنیا و مافیهانی من سندن صورا
قز یتیم اولسا اولار هر رنج و درده مبتلا
آغلارام چولده اولار ورد زبانیم وا ابا
جنّت المأواده آغلار مریم و سارا منه
..
..
..
..
من چراغ عیشیمی آهیمله خاموش ایلرم
جانیمی بوندان صورا هر محنته توش ایلرم
عزّت دنیانی بالمرّه فراموش ایلرم
آغلارام هم ناله اولسون عترت طاها منه
..
..
..
..
عزّتیله جان ویروردون ای رسول ممتحن
حالوه آغلاردی زهرا و حسینیله حسن
وار سراغیم بیر نفر توپراقلار اوسته جان ویرن
آغلاماق عنوانیدور هر لحظه عاشورا منه
..
..
..
..
#گریز به شهادت امام حسین (ع)
..
..
..
..
گل بلا صحراسینه گور خامس آل عبا
جان ویرن ساعت قویوب قانلی یوزین توپراقلارا
بو دیلیله قاتلین سسلر غریب کربلا
باری بیر شربه سو ویر ای شمر بی پروا منه
..
..
..
..
عمریم اتمامه یتوب قالمور او قدری جان ویرم
سو کنارینده سوسوز جانانه جان قربان ویرم
دینیمه جان ویرماقیله جان جاویدان ویرم
ینیمین احیاسینه لازمدی بو سودا منه
..
..
..
..
من بو سودایه ازلده عهد و پیمان ویرمیشم
عهدیمین ایفاسی اوسته تشنه لب جان ویرمیشم
تک اوزوم یوخ اکبر و عبّاسی قربان ویرمیشم
تا دیسون احسن حبیبیم خالق یکتا منه
..
..
..
..
حق مرام اوسته دؤزوب هر ظلمی آسان سانمیشام
گورموشم قارداش غمی اوغلوم ئولوبدور یانمیشام
یوخسا بدعت قویموشام احکام شرعی دانمیشام؟
وار نه علت ال آچورسوز فرقۀ اعدا منه؟
..
..
..
..
من حسینم مصطفی جدّیم آنام خیرالنسا
حیدر کرّار آتامدور قارداشیمدور مجتبا
عرشه قونداقیم گیدوب زینت تاپوب عرش خدا
خادمیم جبریل اولوب هم قابله لعیا منه
..
..
..
..
دین یولوندا ویرمیشم انصاری یالقیز قالمشام
بوینوما من رشتۀ اسلامی محکم سالمشام
درس توحیدی پیمبر مکتبیندن آلمشام
سینه سینده أورگدوب دینی آنام زهرا منه
..
..
..
..
دین حقدن اوزگه دینه ویرمیون نسبت منی
ایلیوبدور تربیت پیغمبر رحمت منی
پیشوا نامیله ایتدوز بو چوله دعوت منی
من امامم سیز رعیّت ویرمیسیز امضا منه
..
..
..
..
گورموسوز زهرا آنام شوریله گوز یاشین الر
باشیم اوسته باش آچوب ایوای اوغولوای سسلنر
خیمه لردن اللری باشدا باجیم زینب گلر
قتلگهده ایتماقا بزم عزا بر پا منه
..
..
..
..
احتیاجیم یوخ سویا سیراب ایدوبدور قان منی
لاله تک سیز ایلیوبسوز قانیمه غلطان منی
راضیم قان ایچره گورسون خالق سبحان منی
امّته اذن شفاعت ایلسون اعطا منه
..
..
..
..
مقصدیم وار ایتمرم سوز عطشدن من گله
سوزلریم اتمام حجّتدور گروه باطله
باشیمی کسمه دایان بلکه باجیم زینب گله
بیر دویونجا آغلیه اول عصمت صغرا منه
..
..
..
..
ای رجائی ترک ایدوبدور عالمی خیرالبشر
توک سرشگون آغلا یان دنیاده هرشام و سحر
واردی بیر گون سسلنر هامّی او گون اَینَ المَفَر
اوندا عرض ایت قیل شفاعت ایمدی یا جدّا منه
..
..
..
#پیامبراسلام #رجایی_تبریزی #پیامبراسلام_شهادت #ترکی #زبدةالاشعار
نظر دهید