شهادت حضرت امام موسی ابن جعفر (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باشی_سرنیزده_معراج_ایدن
.
مرحوم حاج عبداله رضایی (غمکش)
.
مسکن اولوب گوشه ی زندان منه
گل آنا دوت شام غریبان منه
یاندی جگر داده گل
لطف ایله بغداده گل
.
.
سوزش غمدن یانور اعضاء گئنه
سند ایلدی ظلم و جنایت منه
ایش یتیشوب مشکله تئز گل ننه
باشیمون اوسته اوخی قرآن منه
یاندی جگر داده گل
لطف ایله بغداده گل
.
.
جان وئرورم آغلیانیم یوخ منیم
سینه سینی داغلیانیم یوخ منیم
بوردا عزا ساخلیانیم یوخ منیم
گل ئوزون اول بیر گئجه مهمان منه
یاندی جگر داده گل
لطف ایله بغداده گل
.
.
راز و نیاز اوسته وورولاّر منی
سوز و گداز اوسته وورولاّر منی
گونده نماز اوسته وورولاّر منی
تاب و توان قالمادی هر آن منه
یاندی جگر داده گل
لطف ایله بغداده گل
.
.
بیلسه رضا غملی اورک داغلیار
سر در منزلده قرا باغلیار
باجیلارین باشه یغار آغلیار
گل سنه قربان گئتی درمان منه
یاندی جگر داده گل
لطف ایله بغداده گل
.
.
صبریده دریایه مثل اوغلووام
دادیمه زندانیده گل اوغلووام
درک ایلیوب ایندی اجل اوغلووام
حالیمه گل آغلا دویونجان منه
یاندی جگر داده گل
لطف ایله بغداده گل
.
.
#کاظمیه_غمکش
#کاظمیه_شهادت
#مسکن_اولوب_گوشه_زندان_منه
#ترکی
.
✍️ #زبدةالاشعار ✍️
.
🆔: @nohe_torki
نظر دهید