محبّتینده ریا قاتمیان٬ آنوندی فقط #فاطمیه_فیضی_اردبیلی

در مقام مادر
.
زبدة الاشعار
.
: @nohe_torki
.
فیضی اردبیلی
.
محبّتینده ریا قاتمیان٬ آنوندی فقط
سنی هوا ٬ هَوَسه ساتمیان٬ آنوندی فقط
.
گجه زمانی گیدنده ائوه٬ یوبانسون اگر
اویاقدی صبحه کیمی یاتمیان آنوندی فقط
.
نه غصّون اولسا٬ او سندن چوخ آغلیار والله
سنی غمینده هیچ آغلاتمیان آنوندی فقط
.
سحرچاقی باتار آی٬ گون باتار هرآخشاملار
یانوب گجه گونوزی باتمیان آنوندی فقط
.
سنی یتورمگه ئوز آرزووَه چوخ چالیشار
اوز آرِزوسینه هیچ چاتمیان آنوندی فقط
.
یامان گونونده هامی طایفون غریبه اولار
سنی غریبیه اوخشاتمیان آنوندی فقط
.
سنی گوزوندن آتار یار و یولداشون (فیضی)
جهاندا بیرجه سنی آتمیان آنوندی فقط
.
.
#فاطمیه_میلادیه
#مادر
#محبتینده_ریا_قاتمیان_آنوندی_فقط
#فیضی_اردبیلی
#ترکی
.
#زبدةالاشعار
.
: @nohe_torki