ضربت خوردن حضرت امیرالمؤمنین (ع)
گریز به شهادت حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن … 8 سبک
.
مرحوم شهاب تبریزی
.
محشره گلور نه یوزیله بس
قاتلون قیامتده یا علی
ایتمدی حیا توکدی قانوی
سجده گاه طاعتده یا علی
موقف عبادتده یا علی
.
.
گوردی محضر وصل یارده
گرم صحبت خلوت اولموسان
ترک کثرت فرقت ایلیوب
محو وحدت وصلت اولموسان
ایله جذب ایدوب شوق حق سنی
ذوق عشقدن صورت اولموسان
پوزدی صورت قرب وحدتی
قویمادی اوصورتده یا علی
.
.
ویرمدی امان اول لعین دون
کامله یته سجدہ تینوی
غفلتاً باشوندان قلجلادی
قان آخوب دوتوب هر دو عینوی
قاره روزگار ایتدی زینبی
همدم مصیبت حسینوی
قویدی حشره تک آغلار عالمی
بو غم و مصیبتده یاعلی
.
.
ابن ملجمون یا علی گوروم
حق عذابینی ایلسون فزون
بُلمدی مگر رکن دینی سن
اول شقی سنی ایتدی سرنگون
سرنگون ایدوب سرو قامتون
لرزه ایلدی کون و مایکون
لرزه ایلدی کون و مایکون
عالم حقیقتده یاعلی
.
.
نازنین باشوندان دگن یارا
پیک مژدۀ وصل یار اولوب
کوی عشقده کیم سنون کیمی
یا علی بیله جان نثار اولوب
رسمدور گرک بیله جان ویره
اهل عشق اوچون افتخار اولوب
یاره جان ویرن افتخار ایدر
عالم محبّتده یاعلی
.
.
یا على بوجان ویرمگون سنون
اولدی یاخشی سرمشق عاشقان
هر نچه نفر کوی یارده
باش و جانیله ویردی امتحان
سن کیمی باشندان قلجلانان
امتحان ویرن اولدی بیر جوان
کربلاده اولموشدی واژگون
صولت و صلابتده یاعلی
.
.
صولتین گورن اشتباه ایدوب
مطلقا دیوب مرتضادی بو
صورتین گورن محو اولوب اوگون
قائل اولدولار مصطفادی بو
چوخلارى قالوب اشتباهده
هانسی مهوش و مه لقادی بو
گورمه مشدی چون بیر ایله بشر
کیمسنه او طلعتده یا علی
.
.
ابن ملجم بیحیا کیمی
کربلاده اول منقذ لعین
شاهزاده نی حال جنگده
چوخ دولاندروب ایلدی کمین
بیر محلّده ووردی بیر یارا
پارچالاندی ظلمیله مه جبین
قان آخوب گیدوب صبر و طاقتی
ضعف ایدوب او ساعتده یا علی
.
.
باشدان آخدى قان خال و خط باتوب
لاله رنگ اولوب حُسن صورتی
نازنین گوزی دولدی قانیله
قالمادی عقاب اوسته طاقتی
باشنی آیر قاشینه قویوب
اولمادی داخی جنگه حالتی
اشقیای شام اولدولار جری
اکبره او حالتده یاعلی
.
.
آلدیلار عقاب اوسته دوره سین
کیمسه اولمادی بیر امان ویره
ووردولار زبس یاره اکبره
آز قالوب عقاب اوسته جان ویره
یتدی حاکم عثقلان او دم
اوز شقاوتین تا نشان ویره
لیلینی اوغولسوز قویوب وروب
بیر یارا او حالتده یاعلی
.
.
یا علی نه مدّتدی که شهاب
چوخ صباح و شام اشکباردور
قبروین دوشوب اشتیاقینه
قسمت اولموری بیقراردور
قورخورام داخی عمر قورتولا
روزگار بی اعتباردور
یا علی دیوب یا حسین دیوب
جان ویرم بو حسرتده یا علی
.
.
#حیدریه_شهاب_تبریزی
#حیدریه_شهادت
#محشره_گلور_نه_یوزیله_بس_قاتلون_قیامتده_یاعلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید