شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
#رمضانی_خاکی
.
مرتضی ایستدی دفن ایلیه زهرانی گجه
چاغیریب خدمتینه فضه و اسمانی گجه
.
احتیاجی کمگه چوخ چوخودی مولانون
اودی احضار ائلدی بوذرو سلمانی گجه
.
بیلمسین تاکی بیری فاطمه تشییع اولونور
یوخویا وئردی علی سنگدل اعدانی گجه
.
غسل ائدنده گوزی دوشدی گویرن صورتینه
مرتضانون گویه اوج ایلدی افغانی گجه
.
دئمیوبسن دئدی حتی منه ده سیلی سوزون
آشکار ائتدی آیین نوری بو جریانی گجه
.
شل اولیدی اوالی که یوزووه دگدی سنون
گوندوزون ثانی دون ایلدی ظلمانی گجه
.
الغرض یدی نفر همدم اولوب مولایه
قبره حمل ایلدیلر هیکل تقوانی گجه
.
یولادی بوذرو سلمانیده حتی ائوینه
بیر نفر اولمادی یاری ائده مولانی گجه
.
نه تسلی وئرنی اولدی نه الدن دوتانی
آز قالوردی چیخا تندن یورو لان جانی گجه
.
دئدی سندن صورا دای دردیمی چاهه دییرم
حالیمه آغلادارام وادی بطهانی گجه
.
دئدی زهرا کمگیم بیر سنیدون عالمده
سنده تک قویدون عزیزیم بو پریشانی گجه
.
عم قیزی بیر گوزون آچ گورنجه حالیم پوزولوب
غصه لر سالدی ایاقدان شه مردانی گجه
.
عمروم ای کاش قوتارا بو گجه من راحت اولام
سن کیمی دفن ائدلر ناطق قرآنی گجه
.
غم منی بوشلاسادا من غمی دای بوشلامارام
بیت الاحزان ائدرم بو دل سوزانی گجه
.
صبر عطا ائتسه آلله سحره چیخاز علی
وار یری دست اجل دوتسا گریبانی گجه
.
گوزلریمدن توکولن یاش نه فقط گوزیاشیدی
قاریشوب گوزیاشیما قلبیمون القانی گجه
.
نقدر عمروم اولا آغلیارام بو محنه
بس ندن دفن ائلدیم من سنی پنهانی گجه
.
یاندی نار غمه پیغمبر ئولنده اورگیم
سن رضا اولما دوباره اولا بریانی گجه
.
عمروم ای کاش یته باشه بو گجه راحت اولام
سن کیمی دفن ائدلر ناطق قرآنی گجه
.
سیندیروبدی بلیمی فاطمه بار محنون
خم ائدوب آیریلیقون قامت رعنانی گجه
.
#فاطمیه_شهادت
#مرتضی_ایستدی_دفن_ایلیه_زهرانی_گجه
#ترکی
.
✍️ #زبدةالاشعار ✍️
.
🆔: @nohe_torki
نظر دهید