ازدواج عبد الله بن جعفر با جناب زینب
.
✍️ #زبدةالاشعار ✍️
.
🆔: @nohe_torki
.
میرزا محمد علی ناطق اردبیلی
.
مروّجان طریق شریعت وهّاج
بو نوع شرع نبی حکمینه وئروبله رواج
.
جناب فاطمه نون ناز پروریده قیزی
که یعنی زینب غمدیده غم کشیده قیزی
.
حسینیله حسنون مونس و پرستاری
خصوص حسین آقانون غم گونونده غمخواری
.
به امر شیر خدا دودمان اعلایه
نیابت ایلدی مدت آناسی زهرایه
.
علاقه دوتموشیدی چون مقدرات الاه
جناب جعفر طیارون اوغلى عبدالله
.
نکاح زینب علیایه سر فراز اولسون
خلیل کرب و بلا دفتری طراز اولسون
.
گرکدی طیّ ائلسون بو قضیه نی دوران
او صلب پاکیده واردور ایکی قوزی قربان
.
خلاصه اول خلف پاک جعفر طیّار
عقیل ابن ابوطالبه أئدوب اِخبار
.
نئچه مشایخ اشرافی انتخاب ائلدی
أوزینه همره او والانسب جناب ائلدی
.
اولوبلا عازم دربار سید الأطباب
خیال ائلچی گریله ائدوبله دقّ الباب
.
آچیلدی باب سعادت وئریلدى أذن دخول
اولوبدی داخل بیت وصیّ حقّ رسول
.
عقیل ایلدی تعظیم أمامه وئردی سلام
جواب وئردی سلامه امام خیر الانام
.
اجازه ایستدی گویا شه ولایتدن
گوتوردی پرده چوخ عذریله بو حکایتدن
.
قضیه کشف اولونوب محضر امامتده
جواب ائشیتدی نئچه شرطیلن بو بابتده
.
ازل بو شرطی بویوردی علی ولی الله
یوزینی دوندی عقیله بویوردی اول آگاه
.
علاقه مندیدی زینب حسین بی یاره
گرک تردّدینی کسمه سون او مه پاره
.
ممانعت بو باجی قارداشون وصالینه
گرکدی أولماسون هئچ کس گئدنده یانینه
.
بودور بیری ده او شرطون که واردی چوخ اثری
حسینی مون اولاجاقدور عراقه بیر سفری
.
اولاندا غملی گونی کربلا مکانینده
او وقت، زینبیم اولسون حسین یانینده
.
بو واضح ایشدی حسین باجیسیندان آیریلماز
باجیسی بیر گئجه گوندوز حسینسیز قالماز
.
امام مفترض الطاعه دن بو شرطیلری
قبول ایلدیلر قالدی دلده عهدلری
.
ائدوبدی صیغه نی جاری اوزی لسان خدا
یقیناً عالم معناده هم اولوندی ادا
.
عروس جعفر طیار چوخ جلالیلن
عروس اطاقینه گئتدی درین ملالیلن
.
حسینیدن او گئجه آیری دوشدی چون زینب
گئجه صباحه کیمی یاتمادی به رنج و تعب
.
حسین ده هم او گئجه زینبون فراقینده
باشی دیز اوسته قالوب دیزلری قوجاقینده
.
اولاندا صبح زمانی حسین ماه لقا
نماز صبحی ادا ایلدی به حمد و ثنا
.
اجازه آلدی آتاسی شه ولایتدن
گندوب باجی یانینا قورتارا بو محنتدن
.
عباسینی بورونوب قلبدن اولوب مسرور
گئدوبدی جعفر طیار ائوینه با صد شور
.
اولاندا داخل حسین صحن خانیه فی الحال
جناب زینب ائدوبدور حسینی استقبال
.
دئد حسین گل آنام اوغلی همزبانیم گل
منیم بو جسم ده روح و روان و جانیم گل
.
قوجاقاشوب باجی قارداش بسان جان و جگر
قولونی سالدی حسین بوینونا به دیده ی تر
.
چوخ آغلیوب باجی قارداش ائدوبله راز و نیاز
سرور سینه اولوب بیر بیرینه محرم راز
.
سرشک چشمینی گوزدن ائدوب حسینون پاک
گورنمرم دئدی بو دهرده سنی غمناک
.
دئدی حسینه حسین جانیم ای شه مدنی
حساب ائتمه میشم عمریمه کئچن گئجه نی
.
بو یئرده واقعه ی کربلا دوشوب یاده
شراره سالدی عزیزان بو قلب ناشاده
.
همان حسین دی تفاخر ائدوب اونا گوگلر
زیارت ایلدیلر عرشیده ملائکلر
.
همان حسین دی که قونداقی عرشه پیرایه
او نوریدی که ایشیق سالدى طور سینایه
.
همان حسین دی که زینب نوازش ایلردی
قولونی باشینون آلتیندا بالش ایلردی
.
دوشنده توپراقا آتدان حسین بی یاور
نئجه تحمل ائدوب مهربان اولان خواهر
.
حسین فراقینه صبر أئتمین باجی ناگاه
گوروب حسین باشینی نوک نیزه ده چون ماه
.
یارالی جسمیله دوشمیشدی قانلی میدانه
وجود محترمی غرقیدی قزل قانه
.
باخوب جنازیه زینب چکوب اورکدن شور
یانوقلی قلبیله عرض ائتدی ایهاالمنحور
.
فدا اولوم سنه أی قانه غرق أولان اعضا
جفائیله ایتی خنجرله دوغرانان أعضا
.
تمام قیل داخی «ناطق» بو بیت محنتیوی
جناب زینب اندر حشمر یده حمایتیوی
.
حسینه آغلاسا هرکس بو دار دنیاده
جزاسینی گوره جکدور یقیناً عقباده
.
#زینبیه_ناطق_اردبیلی
#زینبیه_ازدواج
#مروجان_طریق_شریعت_وهاج
#ترکی
.
✍️ #زبدةالاشعار ✍️
.
🆔: @nohe_torki
نظر دهید