در مقام شهید
.
✍️ #زبدةالاشعار ✍️
.
🆔: @nohe_torki
.
علی شهودی
.
اولدوز او گون کی محض رضای خدا شهید
یئتدیز مقام قرب خداونده یا شهید
.
سیزدن سورا نه گلدی بیزه بیلمیرم ولی
ائتدیگ سیزین هدف لری بیر بیر رها شهید
.
از بس کی بی حیالر اولوب صاحب امور
هر گون اولور بو شهرده شرم و حیا شهید
.
سیز جبهه ده شهادتده چاتدیز جلالیلن
چوخلاری اولدو شهرده سیزدن سوراشهید
.
دیل خنجریله چوخلارینا ووردولاریارا
ائتدی بوتون قالانلاری دا افترا شهید
.
سیزدن سورا سیزین یولوزی طی ائدنلری
هرگون ایدیرله شهرده جانباز یا شهید
.
میرزه فلان کی اعتقادی یوخدی ارزشه
ارزش لری ائدیر ائله زیر قبا شهید
.
تاپمیش اداره لرده تملق ،ریا رواج
بو جَوّده دوشر مگر آیا یادا شهید
.
کم مانده عده ای که بگویند بر رئیس
ما بنده ایم پیش شما و شما شهید
.
ترفندیله اولوبدی فلان کس بیزه وکیل
ائیلیر سیزین مرامیزه هرگون جفا شهید
.
منصب لری غنیمت جنگی کیمی بولوب
تبدیل ائدیب ستاده اداراتی ،یا شهید !
.
پیس وضعیده نفوذ ائیلییبلر نفوذی لر
هر گون اولور بو شهرده حق بر ملا شهید
.
دشمن گلیب فضای مجازی ده جولانا
حق و حقیقتی ائلییرای خدا شهید
.
اون یول اگر دئسم گینه ده آزدی باور ائت
هر گون اولور شهودی درد آشنا شهید
.
.
#شهید #علی_شهودی
#اولدوز_او_گون_کی_محض_رضای_خدا_شهید
#ترکی
.
✍️ #زبدةالاشعار ✍️
.
🆔: @nohe_torki
نظر دهید