شهادت حضرت مسلم ابن عقیل (ع)
.
.
.
مرحوم معزی اردبیلی
.
.
مسلمون یارالارین باغلیانی اولمادی
ئولدی شهر کوفه ده آغلیانی اولمادی
.
.
.
سیف آل هاشمون دینه اولدی خدمتی
کاخ ظلمه نصب ایدوب پرچم شریعتی
کوفه نون جماعتی سیندیروبلا بیعتی
میهمانیدی ولی میزبانی اولمادی
.
.
.
جسم پاکیده گورن وقتیده یارالارین
آرزو ایدوبدی چوخ خورداجا بالالارین
جان کیمی قوجاقلیا قلبینون پارالارین
گوزلری گزوب ایکی نوحه خوانی اولمادی
.
.
.
ووردیلار خدنگ غم قلب پاره پاریه
درد و محنتی اونون گَلمدی شماریه
کوفه اهلی نعشینی ویردیلار قناریه
نیلمشدی امته باخ یانانی اولمادی
.
.
.
اولین قتیلیدی مرحبا مرامینه
شرکت ایلدی شه کربلا قیامینه
جانمیز اولا فدا عزت و مقامینه
حیف قالدی بی کمک ال دوتانی اولمادی
.
.
.
عرض ایدردی یالقوزام جانووه فدا حسین
نامه گوندرنلرون چیخدی بی وفا حسین
گلمه شهر کوفیه گلمه گلمه یا حسین
مسلمه جفا اولوب مهربانی اولمادی
.
.
.
باخمیشام بو شهریده من عم اوغلی هر یانا
با وفا گورنمیوب قالمیشام یانا یانا
قلبیمی جفائلن دوندروبدیلر قانا
مسلمی،حسین قوناق ساخلیانی اولمادی
.
.
.
#سبک_مسلمون_شهادتی ( 5 سبک)
پخش‌کننده صوت
.
.
#مسلمیه
#مسلمون_یارالارین_باغلیانی_اولمادی
#معزی_اردبیلی
#ترکی
#زبدةالاشعار
#زبدةالاشعار 
: @nohe_torki . حاج نادر بابایی . آز قالدی مزاره گئدم ای شاه خُجسته گَل بیردانیشاق سون نَفَسیمده سفر اوسته . . یوخ ذرّه بو دنیاده گوزوم گرچه جوانم شوقیله بو گون ساحَت معبودهبیشتر
نظر دهید