زبانحال حضرت زهرا (س)
.
.
#سبک_همه_جا_بروم
#سبک_آخشام_اولدی_ننه
.
.
حاج حسین کریمی مراغه ای
.
.
گل عم اوغلی صولور چمنیم ئولورم
منه غربت اولوب وطنیم ئولورم
بو حسین بالامی سنه تاپشیریرام
آناسیز قالوری حسینیم ئولورم
گل اوخی قرآن ، ای شه مردان
یارالی زهرا ، سسیوه قربان
.
.
غم و غصّه می گل جانا آل گئدیرم
نه ئورکده کدر نه ملال گئدیرم
سنه دوقّوز ایلی غمه مونسیدیم
ائوون آباد اولا یولا سال گئدیرم
گل اوخی قرآن ، ای شه مردان
یارالی زهرا ، سسیوه قربان
.
.
باخیشون سالور اود ئوره گیم باشینا
آغلاما نظر ائت گوزومین یاشنا
بولوسن سوورم من حسین بالامی
آدینی یازاسان قبریمون داشینا
گل اوخی قرآن ، ای شه مردان
یارالی زهرا ، سسیوه قربان
.
.
بولوسن ئوره گیمده تواندی حسین
هوسیمدی حسین منه جاندی حسین
آناسیز قالاجاق سارالیب صولاجاق
یتیم اولماقینا نگراندی حسین
گل اوخی قرآن ، ای شه مردان
یارالی زهرا ، سسیوه قربان
.
.
بولورم گله جاق نه بلا باشنا
ووراجاقلا باشین نیزه لر باشنا
قویاجاقلا کول اوسته یارالی باشین
باخوب آغلیاجاق اسرا باشنا
گل اوخی قرآن ، ای شه مردان
یارالی زهرا ، سسیوه قربان
.
.
نیه غربت اولوب منه اوز وطنیم
نه آچان قاپومی نه گلوب گئده نیم
نئجه گُوللریمه اسه جاقدی خزان
نئجه زهر جفا ایچه جاقدی حسنیم
گل اوخی قرآن ، ای شه مردان
یارالی زهرا ، سسیوه قربان
.
.
ایکی نازلی قزیم آناسیز قالوری
غمی زینبیمون جانا اود سالوری
نئجه صبر ائلیوب دُوزه جاق گوره جاق
قان ایچینده حسین ال ایاق چالوری
گل اوخی قرآن ، ای شه مردان
یارالی زهرا ، سسیوه قربان
.
.
بودور عمده سوزوم آی عم اوغلی سنه
گئجه غسلیمی وئر گئجه بوک کفنه
گونوز ائتمه نوا داریخار بالالار
گئجه قبریمه گل گئجه آغلا منه
گل اوخی قرآن ، ای شه مردان
یارالی زهرا ، سسیوه قربان
.
.
دئمه غملی چاغون سنی تک قویورام
دئمه باخماقیما یوزووه دویورام
یتیشوبدی اجل نگران گئدیرم
غم اوخویله یانان اورگون اویورام
گل اوخی قرآن ، ای شه مردان
یارالی زهرا ، سسیوه قربان
.
.
#فاطمیه #کریمی_مراغه_ای #فاطمیه_شهادت #ترکی #زبدةالاشعار
نظر دهید