کوفه
.
#زبدةالاشعار
.
: @nohe_torki
.
مرحوم حقیر خویی
.
مسلّم اولدی کمند بلایه آل الله
دوزولدی سلسله تک عترت رسول‌الله
.
چو دست قدرت حق وقف آستین اولدی
آچوب جسارت الین قوم آستین کوتاه
.
مقید ایتدیله زنجیره قدرت اللهی
گوروب وجودینی مطلق جماعت گمراه
.
قویاندا رشتۀ تسلیمه گردن تفویض
بویوردی کلمۀ وجهّت وجهی لله
.
اوقید ایچنده الی نظم عالمه مبسوط
وجودی ضعفیله ذرّات کونه پشت و پناه
.
گورنده شیرخدا اوغلونون الین باغل
اولوب او قوم زبون شیرگیر چون روباه
.
طنابه باغلادیلار اهل بیت اطهاری
اوجالدب گوگلره فریاد و آه و واویلاه
.
سنق کجاوه نه بیرسایبان نه بیر حایل
اولوب بنات بتوله مقام و منزلگاه
.
مخدّرات حرم دست بسته دل خسته
دیوم نه حالتیله اولدولار روانۀ راه
.
آچق دیولماقا گلمز دیوبدیلر هر چند
نقابیدی اسرانین یوزینه زلف سیاه
.
محال کشف اولا سرّ مکشفّات وجوه
هانی بو سردن آگاه اولان دل آگاه
.
نقدر کشف اولا واضحدی وجهی کشف اولماز
او یوزلره که دو تا پرده ظلّ ظلّ الله
.
اگر چه قولّاری باغلیدی صورتاً امّا
ظهوره ویردیله گور نه جلال و شوکت و جاه
.
سلوک سیرلری مسلک طریقت عشق
مقام فقرلری پایه‌ی فنا فی‌الله
.
شکسته قلبلری منزل خدای حسین
به حکم بینه‌ی فی قلوب منْ والاه
.
اولان ریاضتیگب تکمیل مرشد کامل
قباقدا راه نما مقتدالره همراه
.
نجوم تک شهدا باشلاری برابرده
سر امام جدا استه جلوه‌گر چون ماه
.
نی سنان اولدی نخل وادی طور
کلیمی سر انا اللّهدن ایده آگاه
.
چو مدّ بسمله نخل سنان سنان اوزره
سر منیری چو لفظ جلاله‌ی الله
.
ایدردی دیده‌ی حسرتله ناطق قرآن
ورق ورق داغیلان اهل بیت اوزینه نگاه
.
گوروب که حکم خدایه ویرولّه چوخ تغییر
اولار که محکم آیاتدن قیلوب اکراه
.
او قومه حکم آلهی نی ایتماقا جاری
کلام حقّی او قرآن یوزیله گتدی گواه
.
باخاندا سورۀ توحیده سطر اوّلده
جدا باشندا باشی باشلیوب کلام‌الله
.
اوجالدی نغمۀ صوت قرائت قرآن
بتوب علی قیزی زینب قولاقینه ناگاه
.
حسین عشقی بیله اختیارینی آلدی
چخوب اوزیندن اورکدن گتوردی سوزیله آه
.
باشین کجاویه بیر یاحسین دیوب ووردی
ز بس تجلّی ایدوب جلوۀ جمال الله
.
یخیلدی غشّ ایلدی ، اهل بیتی شور دوتوب
فلک لره اوجالدی آه و نالۀ جانکاه
.
تعجبّم نجه دوتدی بنا بنای سپهر
یخیلمادی یره طاق بو نیلگون خرگاه
.
ایدردی عالمی ویران سکینه نین آهی
اولیدی اذن امام زمانیدن هرگاه
.
سالوب اوزین بو کمنده (حقیر) شرمنده
سنون قاپوندا نه مدّتدی بو سگ گمراه
.
#کوفه_حقیر_خویی
#مسلم_اولدی_کمند_بلایه_آل_الله
#ترکی
.
#زبدةالاشعار
.
: @nohe_torki
نظر دهید