مصطفی غمینده گلمه زاره زهرا #پیامبراسلام_هوشی_تبریزی

زبانحال حضرت رسول اکرم (ص)
..
..
..
..
#سبک_دولدوروب_جهانی …
..
..
..
..
مرحوم غلامعلی باقری الهامی (هوشی تبریزی)
..
..
..
..
مصطفی غمینده گلمه زاره زهرا
توکمه گوزدن اشکون گل عذاره زهرا
آغلاما قیزیم صبر ایت(2)
گلمه زاره زهرا(2)
..
..
..
..
ای گل مرادیم سرو بوستانیم
دلده صبر و تابیم جسمیده روانیم
توکمه اشک آلون ای عزیز جانیم
صبر ایله بو هجر ناگواره زهرا
..
..
..
..
ایمدیدن پوزولما قورما غم اساسی
اولما چوخ پریشان ای گوزوم ضیاسی
بو جهاندا چوخدور باشیون بلاسی
دوز دایان جفای روزگاره زهرا
..
..
..
..
ایلرم سپرده من سنی امانت
بو وفاسیز امّت لیک ایدر اذیّت
اهل کینه ایلر اوزگه بیر جسارت
حقّیوی داناللار آشکاره زهرا
..
..
..
..
قویم کین جفاسی اود سالار جهانه
دوندرلَّه غمدن قدّیوی کمانه
گه ویروللا سیلی گاهی تازیانه
اوخشاداللا اشکون چشمه ساره زهرا
..
..
..
..
دهریده جفادن اهل کینه دویماز
جسمیدن لباس جور و ظلمی سویماز
اوز ایونده دشمن آغلاماقه قویماز
سعی ایدرله دائم انزجاره زهرا
..
..
..
..
بو جهانی گوزدن سربسر آتارسان
خون دل گوزونده اشکینه قاتارسان
درگهون یاناندا قانیوه باتارسان
درک وصل ایدر سن سینه یاره زهرا
..
..
..
..
اوستوه قویار یوز درد و غصّه سِیلی
تازیانه ایلر قوللاریوی نیلی
سولدورار جمالون ضرب ظلم سیلی
دهریده دوشرسن چوخ فشاره زهرا
..
..
..
..
بیعت الده عنوان اشقیای جانی
چوخ جفا ایدرلر خاصّه مرد ثانی
مسجده چکنده شاه لافتانی
اول مُعین اوزون اول شهریاره زهرا
..
..
..
..
ای گل بهاریم گلشن رسالت
حیّ بی مثالیم گوندریبدی دعوت
ایلیم گرک دور دعوتین اجابت
میهماندی جدّون بزم یاره زهرا
..
..
..
..
«هوشی» گل دمادم آه و زاره آغلا
اشک چشم حسرت توک عذاره آغلا
آغلا یازبوغمده یاز دوباره آغلا
مشتریدی چشم اشکباره زهرا
..
..
..
..
#پیامبراسلام #هوشی_تبریزی
#پیامبراسلام_شهادت
#مصطفی_غمینده_گلمه_زاره_زهرا
#ترکی
#زبدةالاشعار