زبانحال حضرت امام حسین (ع) در شهادت حضرت ابوالفضل (ع) به حضرت زینب (س)
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
میدانیدن ای بلالی زینب
گل مایۀ درد و غم گتوردوم
ظلمیله بیر اوخلانان سو مشکی
بیر قانه باتان علم گتوردوم
.
.
میدانی دوتوبدی شور و غوغا
قان لُجّه سینه باتوبدی سقّا
گوردوم یارالی دوشوبدی عنقا
قافه خبر اَلَم گتوردوم
.
.
ویرمیشدی طریق حقّه رونق
ساچمیشدی فراته قانلی بیرق
حق قانینی توکدی قوم ناحق
آثار غم و ستم گتوردوم
.
.
.
میدان بلاده وار قیامت
آللهی دانوبدی بو جماعت
اسلامه ایدوبله هتک حرمت
مِحنت اُودی بیر حشم گتوردوم
.
.
حقّی ایلدی بو گونده تحقیق
قرآنیله گوردوم اولدی تطبیق
جدّیم سوزومی ایدوبدی تصدیق
سو مشکینی لاجرم گتوردوم
.
.
سر لشکریمی سوسوز لب عطشان
گوردوم که یخوبدی قوم دونان
قانه بویانوبدی ماه تابان
گوزیاشی یوزه چویَم گتوردوم
.
.
حسرتله باخاردی اهل لاهوت
ایتدیم اودی کائناتی مبهوت
اوخ گوردوم اونا اولوبدی تابوت
سانما دله کیف و کم گتوردوم
.
.
میدانی ازلده بیر دولاندیم
گلدیم باشی اوسته من دایاندیم
دلدن دوتوب اود او دمده یاندیم
عالملری من بِهَم گتوردوم
.
.
بیر لایحه گوردوم اولدی تصویب
وار قتلینه لشکر ایچره ترغیب
صفلر گینه تاپدی نظم و ترتیب
منده دلیمه خَتَم گتوردوم
.
.
اوز قلبیمی تیر غمله اویدوم
بو دار فنادن اوندا دویدوم
جان اوسته وزیر جنگی قویدوم
بیر پرچم سرخ دَم گتوردوم
.
.
حالی منی یاندیروبدی یاخدی
حسرتله منه گلنده باخدی
سعی ایلدی تا بیر آزجا قاخدی
من قدیمی اوندا خم گتوردوم
.
.
من گلدیم او رزمگهده یاتدی
دین پرچمینی ولی اوجاتدی
زینب بیرآییم اوخ آتدا باتدی
منده چمن ایچره چم گتوردوم
.
.
گوردوم یخلوبدی قانه غلطان
مستور ایلیوبدی گوزلرین قان
دگمیشدی زبس که تیرو پیکان
سینمیش اودی جام جم گتوردوم
.
.
«هادی» بیله توکمه اشک عذاره
گلمه بیله شورو آه وزاره
سر مطلعیوی دینه دوباره
بیر قانه باتان علم گتوردوم
.
.
.
#عباسیه_هادی_تبریزی
#عباسیه_شهادت
#میدانیدن_ای_بلالی_زینب_گل مایۀ_درد_و_غم_گتوردوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید