شهادت حضرت زهرا سلام الله علیها
.
زبدة الاشعار
.
: @nohe_torki
.
حاج اصغر فرشچی ( #عدلی_تبریزی )
.
مظلومه زهرا ترک ایدوب بو گون جهانی
آغلار قویوب فرقتینه کون و مکانی
.
مظلومه دی شهیده دی حضرت زهرا
اون بیراما مون آناسی ام ابیها
.
.
بوگون قیامتدی جهان غرق عزادی
قاره چکوبلر گویلره ماتم سرادی
دخت پیغمبر فاطمه دینه فدادی
سالدی شرربو دل لره دل سوزانی
.
.
بیرباغبان دوشدی بوگون آیری گولوندن
بیرکیمسییه بولدورمدی درد و غمیندن
آیرولدی دورت بالاسیندان خاصّه حسیندن
جنّاته گیتدی تا اولاآتا مهمانی
.
.
ظلم عدودن فاطمه اولموشدی خسته
گورموشدی مولا اللرین ایلوبله بسته
سینه یارالی قول یارا پهلو شکسته
نیسگللی ترک ایتدی بتول فانی دنیانی
.
.
آزعمروده دورت گول وجود گتدّی دنیایه
طوی گورمدی یوز گولمدی گلدی نوایه
قالدی حسرتی قلبیده گتدی عـقبایه
آپاردی قبره داغ کیمی غم پنهانی
.
.
هجر بتول سالدی شرر خانۀ صبره
بنزدّی مولا گوز لرین بارش ابره
غسلون ویروبدی نصف شب قویوبدی قبره
طبق وصیّت دفن اولوب گجه زمانی
.
.
مکتبعصمتده ویروب درس حجابی
هم اورگدوب پیغمبره گلن کتابی
درگاهی یاندی حیف اولا گوردی عذابی
ایذا ایدن حقین آلان دانوب قرانی
.
.
ظلم اولوندی عالمده چون دخت طاهایه
بیت الحزنده روز و شب گلدی نوایه
آغلاردی حقی الیندن گیدن مولایه
گوزیاشلی آخر ترک ایدوب شاه ولانی
.
.
ایتدی سنی زهرا غمی اولدون خون جگر
یازدوقجا خامه آغلادورآغلوری دفتر
گیتدون بعقیده «عدلی» سن هروقت سحر
آختاردون امّا تاپمادون قبر زهرانی
#فاطمیه_شهادت
#مظلومه_زهرا_ترک_ایدوب_بو_گون_جهانی
#ترکی
: @nohe_torki
نظر دهید