تا وار حیات شاه شهیدانه آغلارام #ورود_محرم_آمل_سرابی

ماه محرم
.
✍️ #زبدةالاشعار ✍️
.
🆔: @nohe_torki
.
مرحوم آمل سرابی
.
تا وار حیات شاه شهیدانه آغلارام
قان یاش توکوب او قانینه غلطانه آغلارام
.
مدتدی یا حسین دیرم یوخ مذمتیم
باغریم دونوبدی لاله کیمی قانه آغلارام
.
ای سو سبیل ایدن منه سو ویرمه ایچمرم
چوخ تشنه اولسام اصغر عطشانه آغلارام
.
گوز یاشینه گلوبدی قوناق تشنه لب حسین
تا اشکیله ویرم سو او مهمانه آغلارام
.
بیر سس گلور قولاقیمه گویا دیور حسین
بیر اکبر آدلی سرو خرامانه آغلارام
.
باشی دالینجا باجیلارین باغلی قولاری
مجنون کیمی سالوبدی بیابانه آغلارام
.
بیر باجی واردی قولدا رسن واحسین دیر
باشی قرالی زینب نالانه آغلارام
.
چکموش حسین نعشینی آغوشینه دیر
بیر نعش پاره پاره و عریانه آغلارام
.
گون چوخ دگوب یاراسی سیزیلدار نیدیم که شمر
قویماز چکم بو پیکری بیر یانه آغلارام
.
عباسه آغلیون که اوزاقدا دوشوب دیر
منده سوسوز سکینۀ عطشانه آغلارام
.
وار بیرغریب مجلس ایچنده اودا دیر
منده غریب خاک خراسانه آغلارام
.
سالدی بو سوزخیالیمه موسی بن جعفری
اون یدی ایل سالوبدولا زندانه آغلارام
.
نه ایل نه آی نه هفته من #آمل دخیلوم
معتاد ایدوبدولر منی افغانه آغلارام
.
.
#ورود_محرم
#کوچ_کربلا
#تا_وار_حیات_شاه_شهیدانه_آغلارام
#آمل_سرابی
#ترکی
.
✍️ #زبدةالاشعار ✍️
.
🆔: @nohe_torki