مظهر خلق رسول مدنی فاطمه دی #فاطمیه_شکیب_تبریزی

در مناقب عصمت کبری فاطمه زهرا علیها سلام
.
#زبدةالاشعار
.
: @nohe_torki
.
مرحوم احمد خانی «شکيب»
.
مظهر خلق رسول مدنی فاطمه دی
اون بیر آلاله عشقین چمنی فاطمه دی
.
.
ورق مصحفه زیبا آدی کوثر یازیلوب
دفتر صدق و صفاده آدی اطهر یازیلوب
عفّت و عصمت و حرّیته مظهر یازیلوب
چامۀ عشق و وفا سرسخنی فاطمه دی
.
.
اسوۀ حجب و حیا پیکرۀ صدق و صفا
قلبی کانون خدا سینه سی دریای وفا
فکر حق , صحبتی تسبیح و مناجات و دعا
خانه سی مهر و صفا انجمنی فاطمه دی
.
.
باغ توحید ده بیر سایه فکن سرو سهی
وادی ایمن اولان اهل دله بارگهی
آسمان شرفین حلم و نجابتده مهی
مات ایدن صبریده چرخ کُهَنی فاطمه دی
.
.
تا نمازه دورا ایستردی او معنای شرف
هامی گوی اهلی تماشاسینه باغلاردیلا صف
اللرین قوزیالی درگه معبوده طرف
دولدوران شوریله بیت الحزنی فاطمه دی
.
.
باب تعلیم و محبتده گرکدور آنالار
آنالیق مشقنی هر آن بو خانمدان آلالار
تربیت ایلدی آز عمریده زیبا بالالار
بسلین روح حسین و حسنی فاطمه دی
.
.
عصمت اللهیدی مصباح فروغ ازلی
حسنینون آناسی همدم و همراز علی
اوز ایوینده اولان آماج غم و غصه بلی
یاندیران عالمی درد و محنی فاطمه دی
.
.
درگهی که اونا گون فخریله سورتردی جبین
بی اجازه گله بولمزدی اورا روح الامین
اودلادی آتش قهر و غضبه قوم لعین
کیمسه بلموردی مگر فاطمه نی فاطمه دی؟
.
.
گورسه گلزارده هم صحبت اولوب خار گله
نغمۀ غم اوخیار بلبل غمخوار گله
گلشنون ذوقی گیدر گر اولا آزار گله
توش اولان خار غمه گل بدنی فاطمه دی
.
.
ترک ایدندن صورا دنیانی رسول مدنی
عترتین قویمادی آسوده اولا قوم دنی
یری واردور که #شکیبا یازاسان بو سخنی
غربت اولدی اونا که اوز وطنی فاطمه دی
.
.
#فاطمیه_مدح
#فاطمیه_شهادت
#مظهر_خلق_رسول_مدنی_فاطمه_دی
#شکیب_تبریزی
#ترکی
.
#زبدةالاشعار
.
: @nohe_torki