چهره گشاده چون در غلطان جوادیدور #جوادیه_فیضی_اردبیلی

میلادیه حضرت امام جواد علیه السلام
.
.
#سبک
.
.
فیضی اردبیلی
.
چهره گشاده چون دُرِ غلطان جوادیدور
ابرولری کمان٬ مَهِ تابان جوادیدور
.
بهبَه صفای مجلس عرفان جوادیدور
بیز شیعیانه هدیهٔ شایان جوادیدور
.
نور دوعینِ ضامنِ آهویه مرحبا(۲)
بهبَه جمالِ لالهٔ خوشبویه مرحبا(۲)
.
.
.
.
الله ائدوبدی لطف فراوان بوباره ده
قطعا گوزل عنایت سبحان جوادیدور
.
بوسه ویراندا ضامن آهو جمالینه
وجده گلوب چو غنچهٔ خندان جوادیدور
.
نور دوعینِ ضامنِ آهویه مرحبا(۲)
بهبَه جمالِ لالهٔ خوشبویه مرحبا(۲)
.
.
.
.
دریایِ بیکرانهٔ جود و سخادی بو
بابِ رجایِ خلق مسلمان جوادیدور
.
نائل اولوبدی یدّی یاشیندا امامته
باشدان ایاقه آیهٔ قرآن جوادیدور
.
سیغماز شعور و عقله جوادین فضیلتی
لطفِ عظیمِ خالقِ منّان جوادیدور
.
نور دوعینِ ضامنِ آهویه مرحبا(۲)
بهبَه جمالِ لالهٔ خوشبویه مرحبا(۲)
.
.
.
.
(فیضی)یازاندا مدحِ جواد الائمّه نی
یازما که شاهِ مُلک سُلیمان جوادیدور
.
فانی جهانه شاه اولا٬ واللّه نیازی یوخ
فرمانروای دولت جانان جوادیدور
.
قربان اولوم جلالتینه جایگاهینه
تاجِ سرِ تمامیِ شاهان جوادیدور
.
نور دوعینِ ضامنِ آهویه مرحبا(۲)
بهبَه جمالِ لالهٔ خوشبویه مرحبا(۲)
.
.
.
.
#جوادیه_مدح
#جوادیه_میلادیه
#چهره_گشاده_چون_در_غلطان_جوادیدور
#فیضی_اردبیلی
#ترکی
.
.