حسینچیلر اوخوسون
..
..
..
لطف الله میرزائی زنجانی
..
..
..
معرفت صاحبی لازمدی که بیدار اولسون
سوزی کرداری اوز آدینه سزاوار اولسون
..
رشته ده مکتب عرفانین اولان شاگردی
گرک هر صحبتی هر لفظی گهربار اولسون
..
شخص نادان نه دانشسا اونا ایراد اولماز
ولی عارف سوزی سنگین گرک اظهار اولسون
..
ای هدف یولداشی اوز آدین حسینچی قویموش
یار اولان شخص گرک یاره وفادار اولسون
..
هر حسینچی گرک اولسون ایکی جان بیر قالب
نه که بیر جبهه آچوب وارد پیکار اولسون
..
اتحاد آیه سینی بیرده اوخی قرآندا
گله مطلب آله الله سوزی معیار اولسون
..
دیدون اولقدر اوخیوم تا چخا سوز یادوندان
اوخیوب یازدیقون هر نوحه و اشعار اولسون
..
نظریمده بو کلامون بیر آز افراط اولدی
سوزی لازمدی دِیم قارداشا بیدار اولسون
..
مطلبی هاردا قویوبسان هارادان آختاروسان
شاهراه ایتمز عزیزیم نقدر قار اولسون
..
چوخ مناسبدی یازام بیر نچه بیت اشعاری
دوزه له آلچاق اوجا تا بیر آز هموار اولسون
..
متواضعدی او کسلر که اونون وار علمی
باش اشاقی اولی هر شاخه کی پربار اولسون
..
ادعا ایلر او کسلر که اولار تو خالی
باش یوخاری گوتورر شاخه کی بی بار اولسون
..
سعدیه باخ نه دیور گور یخلوب آزاده
اللهون رحمتی تا حشر اونا تکرار اولسون
..
عشق بیر رمزدی وار سرّی کلیدی قارداش
تاپار هر کس که بیر آز واقف اسرار اولسون
..
سوزی قرض آلسا بیری اورگنه اوندان بوندان
گنه چوخ تیز قوتارار هر قدر انبار اولسون
..
ولی بیر سوز که او سرچشمه دوتار دریادن
دالی قورتارماز اگر یوز مین او طومار اولسون
..
من کیمم منده لیاقت یوخ اولام سوز صاحب
صاحب سوز اوزیدی قوی سوزی اشعار اولسون
..
هر او شاعر یازا اوز خاطرینه اشعارین
گوزینه اوز قلمی خنجر و مسمار اولسون
..
یا بیری آدین حسینچی قویا بو عنواندان
ایستیه تا اوزی بیر شخص نمودار اولسون
..
چکه خلقین گوزینه هی اوزینی هر یرده
اونی پوچ عشقی تک هر یرده گوروم خار اولسون
بیری ظاهرده حسین محضرینه ایتسه سلام
باطن عالمده گرک قبرینه زوّار اولسون
..
نیّتی عشقی اولا پاک اگر بیر شخصین
وار یری فاطمه بو عشقه خریدار اولسون
..
گور سزادور من ایدم مردمه اظهار وجود
اکبرین کاکلی اوز قانیله گُلنار اولسون
..
باشینه قاره سالا قاسم عروسی طویدا
آق کفن قامت داماده سزاوار اولسون
..
من خجالت چکورم بوردا خانم زهرادن
من تکبّر ایدوم امّا او عزادار اولسون
..
من خجالت چکورم اصغرین آدین گتورم
قورخورام یاره لیدی حلقی او بیدار اولسون
من خجالت چکورم بیر چاقورام عباسی
قولاری یاره لیدور قورخورام آزار اولسون
..
یا حسین سسله مگه شرم ایدورم زهرادن
قورخورام قان یارالاردان گنه فوّار اولسون
..
بی ریا اولسا حسینچی وار اونون انعامی
لطف ایدر اوزلری هر یرده مددکار اولسون
..
شاعری ایتمه سه تأیید اگر اؤز الطافی
قلمى الده قالار یوخ سوزی اشعار اولسون
..
اوزی لطف ایله سه روح القُدُس إمداد ایلر
دوت الیمدن سنه قربان او الون وار اولسون
..
سوز که روح القُدُس اورگتدی او یاددان چخماز
ایستر هی نطقی بیانی سوزی فوّار اولسون
..
بسدى «میرزائی» طلائیله سفالین فرقین
بیلر اوُل کس که جهاندا اولوالابصار اولسون
..
گوهری که او حسین عشقدی محکم ساخلا
قوى توکولسون یره هر درهم و دینار اولسون
..
..
..
#پندیات #میرزائی_زنجانی #حسینیه_میرزائی_زنجانی #ترکی #زبدةالاشعار #حسینیه #شعر #شاعر #مداح
نظر دهید