ایام فاطمیه
.
.
حاج یحیی علی زرین ارومیه
.
.
یا فاطمه ایام مصیبت گنه گلدی
کیم اولدی غریق غم و محنت گنه گلدی
.
عاشقلرین اشکین توکه بو غملی عزاده
گوزیاشلی اولوب یاسیوه دعوت گنه گلدی
.
کیم بولدی عزا واردی بو منزلده دوباره
جمع اولماقا ماتمده جماعت گنه گلدی
.
درد اهلی قیتمز الی بوش بو قاپولاردان
تا که آلا اوز دردینه صحت گنه گلدی
.
کیم وار مرضی یا که مریضی اوز اوینده
بولدی قاپوزی باب کرامت گنه گلدی
.
یا فاطمه ای دخت نبی ام ابیها
آدین اولا بو مجلسه زینت گنه گلدی
.
عاشقلر عزاخانوی ویرمزله بهشته
هر کیمسه اولوب طالب جنت گنه گلدی
.
سرمایه دی گوزیاشی بو عشق اهلینه زهرا
گوزدن توکه دردانه حسرت گنه گلدی
.
سیلی اثرینده گورن صورتی دوندر
یا ایت قیزاران گوزله نظارت گنه گلدی
.
اول غملی گونونده باجی نه قارداشین اولدی
دفع شر ایده وورمویا امت گنه گلدی
.
اولده آنادن هم آتادن یتیم اولدون
اولماز دل کافرده عطوفت گنه گلدی
.
ظلم اهلی چکیب مسجده قول باغلی عم اوغلون
غاصبلره تا ایلیه بیعت گنه گلدی
.
اود ووردی قاپون یاندی اودم کینه لی دشمن
یوخ اهل شقاوتده نجابت گنه گلدی
.
آتش هارا درگاه امامت هارا زهرا
ثانی لعین ایلدی سرعت گنه گلدی
.
دیوار و دره ایندی نجه ایلوم اشاره
محسن ده تاپوب فیض شهادت گنه گلدی
.
من بولمورم آخر نجه دوزدون اوفشاره
قالمازدی او گل جسمده طاقت گنه گلدی
.
سسلندین امان فضه یامان یرده یخیلدیم
وردی منی بوقوم ضلالت گنه گلدی
.
مسمار باتان سینوه جانلار اولا قربان
ظالم لره دائم اولا لعنت گنه گلدی
.
آخدی یارالارین قانی سن توپراقا دوشدون
دونان زمان تاپدی نه جرات گنه گلدی
.
یانام سنه دائم او آدامسیزلیق الیندن
چون قان اورگه دگدی جراحت گنه گلدی
.
یتمیش نچه گونده سارالان گل کیمی سولدون
ویرمیشدی بابان قول شهادت گنه گلدی
.
دورد کورپه بالانی نجه قویدون نجه گتدین
مولایه غمین ایلدی شدت گنه گلدی
.
واردور یری زینب دیه ای وای ننم ای وای
بو آیریلیقا اولدی نه علت گنه گلدی
.
دنیا منه تنگ اولدی چتوندور ننه سیزلیق
قالدیم نجه من خوش گونه حسرت گنه گلدی
.
دائم بابامین قلبی یانار گوزلری آغلار
سسلر نجه مشکلدی بو فرقت گنه گلدی
.
ایندی آنا زینب سنه یانسین اونا یانسین
یا که حسنینه ایده رقت گنه گلدی
.
قان آغلاسا واردور یری ایتمزله مذمت
هجران غمی ایلر چوخ اذیت گنه گلدی
.
کلثوم توکر گوزیاشی آرام ایده بولمم
آیدین سحریم ایلیه ظلمت گنه گلدی
.
زرین هله یازما قلمی الده دایاندیر
صبر ایله دایان بلکه بو فرصت گنه گلدی
.
.
.
.
#فاطمیه #فاطمیه_شهادت #ترکی #زبدةالاشعار
نظر دهید