مقتله گلدون نیه ای خسته جان #شام_غریبان_عباس_بلندی

شام غریبان
آمدن حضرت رقیه (س) به قتلگاه
سوال و جواب
( مصرع اول،زبانحال امام حسین (ع) – مصرع دوم،زبانحال حضرت رقیه(س) )
..
..
..
..
#سبک_ای_باشی_سر_نیزده_معراج_ایدن
..
..
..
..
عباس بلندی
..
..
..
..
مقتله گلدون نیه ای خسته جان
آیریلقون ایتدی منی باغری قان
خیمه ده راحت نیه بس قالمادون
سن گلیب آغوشه منی آلمادون
سویله قیزیم سالدی یولا کیم سنی
مقتله پروانه سن ایتدون منی
گل سینمه رحم ایله گوز یاشووه
قوی منی اوّل دولانیم باشووه
..
باخ منیم احوالیمه، ای ننمون اوخشاری
دور ایاقا یاره لی، باشیمه ال چک باری
..
..
..
..
هاردا قالیب عمّه لرون ویر خبر
قادارشون عباسی گزور دیده تر
گورموسن عباسیمی قولسیز یاتوب
من بیلنی صاق گوزینه اوخ باتوب
کیم دیوب آخر سنه بو سوزلری
اولمیش هدف اوچ پر اوخا گوزلری
سالدی ابالفضلی سوزون یادیمه
گلمدی غارتده منیم دادیمه
..
حیف اولا عباسیمون، اولدی قلم قوللاری
ظلمیله والله بابا، باغلادیلار یوللاری
..
..
..
..
دیدۀ زهرایه مثلدور گوزون
سویله بابا واردی منه هر سوزون
زینبه نسگلدی فراقون بالا
سویله گوروم کیمدی قوناقون بابا
گلدی ننون فاطمه دیداریمه
چک دیمدون باش ننه قیزلاریمه
ویرمدی مهلت ننمون ناله سی
گلدی چوخور یردن او غول وای سسی
..
من دولانیم باشووه ای بالاقان آغلاما
فاطمه نون سویگلی سینمی چوخ داغلاما
..
..
..
..
ایتمه گلایه ئورگیم داغلیدی
نیلیوم الله سو یولى باغلیدی
حرمله سو ویردی عجب اصغره
ایتدی ستم منقذ دون اکبره
بیرده خبر ویر منه مه پاره دن
سویلرم الآن سنه گهواره دن
قوی بوچوخور یرده قیزیم تک قالوم
بوش بشیگه من نجه لای لای چالوم
..
اوخلادیلار اصغری، ای سینمون بلبلی
دوغرادیلار اکبری، فاطمه نون سویگلی
..
..
..
..
بس نیه گلدون بالا غمخانیه
سنده گلرسن بابا ویرانیه
بیر گیجه گلّم بالا من کوفیه
گیتمه قوناق اوندا بابا خولیه
من سنى ویرانه ده تک قویمارام
منده وصالونده سنون دویمارام
بسدی بو گودالی قیزیم ترک ایله
یازدی فلک بختیمی آخر بیله
..
روح و روانیم منیم، طاقت جانیم منیم
دورماقا والله بابا، یوخدی توانیم منیم
..
..
..
..
..
#شام_غریبان #عباس_بلندی #ترکی #زبدةالاشعار