منیم بهاریمی گل فاطمه خزان ائلمه #فاطمیه_محمدرضاصادقی

زبانحال حضرت علی (ع) در شهادت حضرت زهرا (س)
.
.
محمد رضا صادقی
.
.
منیم بهاریمی گل فاطمه خزان ائلمه
ئولوم سوزیله منی لطفا امتحان ائلمه
.
قال ائوده ، نوریویله بو ائوی ائله روشن
اوشاقلارین اورگین ممکن اولسا قان ائلمه
.
طعام ائدنده طلب ، سن یات استراحت ائله
بو قدری ایشلیوب اُول جسمی ناتوان ائلمه
.
منی گورنده نیه فاطمه یوزون دوتوسان
نولوبدی دردیوی مندن داخی نهان ائلمه
.
یوزون دوتاندا خانم قلبیمی کباب ائدوسن
عم اوغلووام آخی ، سن باری نیمه جان ائلمه
.
اونون بونون سوزونه باخما کیم دئیور گئدوسن
ئولوم سوزون داخی لطفا خانم بیان ائلمه
.
منه ده رحم ایله سندن صورا کسیم یوخدی
سنی حسین جانی گل قدیمی کمان ائلمه
.
.
#فاطمیه #محمدرضاصادقی #فاطمیه_شهادت #ترکی #زبدةالاشعار