منیم صفالی دلبریمدی حیدر #حیدریه_رمضانی_خاکی

در مدح حضرت علی (ع)
.
.
#سبک_شه_زمین_و_آسماندی_حیدر
مشابه
پخش‌کننده صوت

.
رمضانی (خاکی)
.
.
منیم صفالی دلبریمدی حیدر
منیم شرفلی رهبریمدی حیدر
آدینا اولسون جان شیعه قربان
ایکی جهاندا سروریمدی حیدر
.
امید قلب ماسوا علی
جلالوه جانیم فدا علی
.
علی اعلا – مقامی والا – شرفده دریا یاحیدر
صفای دنیا – شفیع عقبا- وصی طاها یاحیدر
.
حیدر – کائناته سرور
حیدر- ذات حقه مظهر
حیدر- آدی دلده ازبر
.
سنون مثالون گلمز عالمه
آدون اولوبدی دلده زمزمه
.
حیدر ای پناه عالم
پناه عالم مرتضی علی (۲)
.
.
.
.
چتیندی گلسین منصبی بیانه
مباهات اولدی اهل آسمانه
علی نی آلله هامیدان چوخ ایستر
آچوبدی چون گوز کعبه ده جهانه
.
قالوبدی عاجز وصفینه قلم
علیدی زیب و زینت حرم
.
حبیب داور – مه منور- گل پیمبر یاحیدر
سماده یکسر- بوگون مکرر- دیور ملکلر یاحیدر
.
حیدر – مصدر جلالت
حیدر- کائناته عزت
حیدر- مجری عدالت
.
سن عرش و فرشین مقتداسی سن
ایکی جهانون رهنماسی سن
.
حیدر ای پناه عالم
پناه عالم مرتضی علی (۲)
.
.
.
.
علی نین عشقی دینیمه محکدی
علی نین آدی قلبیلرده حکدی
قسم جلال و عزت خدایه
خدا کیمی بو مرتضاده تکدی
.
علیدی برج معدلت آیی
قسم خدایه گلمیوب تایی
.
شرفلی ارباب- مثالی نایاب- شهید محراب یاحیدر
مه جهان تاب – امیر اعراب- شهید محراب یاحیدر
.
امیر عالم یاعلی مدد
وصی خاتم یاعلی مدد
.
حیدر ای پناه عالم
پناه عالم مرتضی علی (۲)
.
.
.
.
سالاردی لرزه عرصه ی نبرده
اولاردی اصلان موسم خطرده
پیمبره سر لشگریدی دائم
اوشیر داور هامی غزوه لرده
.
شجاعتین دریاسیدی علی
شهامتین معناسیدی علی
.
جدلده یلدی – یل عملدی – بوبی مثلدی دنیاده
ائدردی لرزان – علی هراسان- سپاه خصمی دعواده
.
حیدر- قهرمان خیبر
حیدر- جنگیده دلاور
حیدر- یاور پیمبر
.
امیر لشکر مرتضی علی
اولان جهاندا غزوه لر یلی
.
حیدر ای پناه عالم
پناه عالم مرتضی علی (۲)
.
.
.
.
چالار قاپی سین گون به گون بو(خاکی)
علینون اولموش چونکه سینه چاکی
شفاعت ایلر مهربان آقاسی
عذاب قبرو حشریدن نه باکی
.
ائدر عنایت نوکره آقا
علیدی والله مظهروفا
.
سخاسی چون یم- گداسی حاتم – شه معظم یاحیدر
گلنده هر غم – آچ ائوده پرچم – چاغیر دمادم یاحیدر
.
دوادی درده ذکر یاعلی
رسوله نایب آلاها ولی
.
حیدر ای پناه عالم
پناه مرتضی علی (۲)
.
#حیدریه #رمضانی_خاکی #حیدریه_مدح #ترکی #زبدةالاشعار
.
.