من ابوالفضلم قوشون مولا ائدوب سقا منی #عباسیه_رضوی_زنجانی

رجز حضرت ابوالفضل (ع)
..
..
..
رضوی زنجانی
..
..
..
من ابوالفضلم قوشون مولا ائدوب سقا منی
یولّیوب سو آلماقا شاه ملک سیما منی
..
..
..
ای قوشون آگاه اولون من شیر حق عباسیم
مرتضی شیر خدانین شیر بی پرواسیم
من ابوالفضلم حسینون تشنه لب سقاسیم
بو ایشه مأمور ائدیبدی زادۀ زهرا منی
..
..
..
گلموسوز مور و ملخ تک کربلا صحراسینه
وئرسه رخصت شاه دین گر عترتین سقاسینه
قدرتیم وار دوندرم بو دشتی قان دریاسینه
جنگه مجبور ائتمیون ای بی حیا اعدا منی
..
..
..
کسمیسوز سو یوللارون یوخ سیزده غیرت ای قوشون
گر اجازه بندیه لطف ائتسه حضرت آی قوشون
سیزلره وئرّم اوزوم بیر درس عبرت ای قوشون
عرشیده تحسین ائدر شیر حق یکتا منی
..
..
..
حاکیمیز کیمدی گورون ای شامیان بدمرام
سیز نه دن اولدوز یزید شارب الخمره غلام
کیملره خدمت ائدوب گور کیملره چکدیز حسام
هئچ تانورسوز مرتضانین اوغلویام آیا منی
..
..
..
نفس اماره بیلون ایلوبدی بی ایمان سیزی
مکریله اغفال ائدوبدی زادۀ سفیان سیزی
وئرمه سز سو ایلرم اوز قانیزه غلطان سیزی
سیز قوشون ناگاهسیز هی سلنور دریا منی
..
..
..
سو یولون بیجا کسوب بیجا ائدورسوز هلهله
مرتضانون اوغلویام آلسام اگر شمشیر اله
مطلبه آگاه اولون سالّام بو یرده ولوله
مشق جنگه آشنا ائتمیش شه والا منی
..
..
..
من ابوالفضلم على اوغلی، خدایه بنده یم
نوکر مولا حسینم من حسینله زنده یم
اصغریندن گر چه سو یوخدی بو گون شرمنده یم
اصغره سو آلماقا گوندردی اؤل مولا منی
..
..
..
بو بیاباندا حسینه من هوادارم بیلون
نوکر شاهم بیلون سردار دربارم بیلون
امر مولائیله من الآن علمدارم بیلون
آلّادانمز سیز کیمی مین رنگ اولان دنیا منی
..
..
..
بو حسیندی حضرت پیغمبرین دردانه سی
بو حسیندی فاطمه گلزارینون ریحانه سی
بو حسیندی شمع حق، منده اونون پروانه سی
نوکر دربار ائدوب مهر جهان آرا منی
..
..
..
#عباسیه #رضوی_زنجانی #عباسیه_شجاعت #ترکی #زبدةالاشعار