کرب و بلا چولونده طوفاندی یا محمد #حسینیه_باکی

#کرب_و_بلا_چولونده …
.
.
.
مرحوم #باکی
برگرفته از ارمغان8 مرحوم تائب
.
.
کرب و بلا چولونده ، طوفاندی یا محمّد
گوندر کفن حسینه ، عریاندی یا محمّد
.
مهمان ایدوبله دعوت، قویموبلا احترامین
سو وئرمیوبله عطشان ، قرباندی یا محمّد
.
سقا گیدوب فراته ، قویموبلا سو گتورسون
بیر مشگ سو گتور سن ، احساندی یا محمّد
.
ابر ظلام دوتموش ، کرب و بلانی یکسر
بو ابر بارشی گور ، پیکاندی یا محمّد
.
لیلا نوایه گلموش ، سسلر هرایه اوغلون
هجر آتشیله قلبی ، سوزاندی یا محمّد
.
دوشموش یانان چادردا ، اصغر آناسی بیهوش
جانین آلوبلا گویا ، بی جاندی یا محمّد
.
قاسم وجودی دوشموش ، گل تک اولوبدی پرپر
بلبل کیمی آناسی ، نالاندی یا محمّد
.
از بس که یاره اوستن ، یاره دگوب حسینه
باشدان باشا وجودی ، شان شاندی یا محمّد
.
جسمینده قویمیوبلر ، بیر پیرهنده قالسون
معناده بیر سویولموش ، قرآندی یا محمّد
.
گل گور نجه دوشوبدور ، اوغلون بلا چولونده
گودال قتلگهده عریاندی یا محمّد
.
انگشتینی کسوبدور ، انگشتر اوسته بجدل
بو عالمه سلیمان ، حیراندی یا محمّد
.
یوخ بیر نفر حسینون ، قویسون مزاره نعشین
گونلر ایوینده یاندی ، اودلاندی یا محمد
.
هئچ مسلمى بو حاله ، سالماز جهاندا کافر
امّتده گور نه ظلم و طغیاندی یا محمد
.
« باکی » سوزون دایاندیر ایله دوباره تکرار
کرب و بلا چولونده طوفاندی یا محمّد
.
.
#عاشورا #قتلگاه #حسینیه #حسینیه_شهادت
#ترکی
#زبدةالاشعار