زبدةالاشعار

من زینبم که شیونه قیرخوندا گلمیشم #اربعین_حافظی_تبریزی

اربعین
#من_زینبم
.
✍️ #زبدةالاشعار ✍️
.
🆔: @nohe_torki
.
مرحوم حافظی تبریزی

من زینبم که شیونه قیرخوندا گلمیشم
بو آلتی گوشه مدفنه قیرخوندا گلمیشم
.
شکر اولسون ئولمدیم هله گوردوم مزاریوی
اشکیم رواندی دامنه قیرخوندا گلمیشم
.
قارداش شهید اولان گونی سن آغلیانمادیم
کاممجه آغلیام سنه قیرخوندا گلمیشم
.
سنلن گیدوب گیدن گونی امنیّتیم منیم
آخر محلّ مأمنه قیرخوندا گلمیشم
.
بو آلتی گوشه قبریوه قربان اولوم سنون
گویا صفالی گلشنه قیرخوندا گلمیشم
.
بلدوم بلا چولون چمن عشق قیلمسان
سیراب لاله سوسنه قیرخوندا گلمیشم
.
یوخ ایمدی تازیانه ووران باشیمه داخی
فکر ایلیم ورار گنه قیرخوندا گلمیشم
.
ویر اذن بیر دویونجه حسین وای دیوم حسین
یول باغلانوبدی دشمنه قیرخوندا گلمیشم
.
فرش ایتماقا بو آق ساچمی قبرون أوستنه
مهلت ویروب اجل منه قیرخوندا گلمیشم
.
باشسیز قالان اوشاق بیوکی باشیمه یغوب
عزم ایلیوب بو مسکنه قیرخوندا گلمیشم
.
موسی صفت دوشوب چوله چولدن بیر اربعین
اما دوباره مَدیَنه قیرخوندا گلمیشم
.
باشون دالنجا کوفه دیارینده گیتمشم
بازار و کوی و برزنه قیرخوندا گلمیشم
.
از بس دگوب شماتت اوخی قلبیمه منیم
قلبیم دونوبدی جوشنه قیرخوندا گلمیشم
.
پوزدوم بساط عیش یزید ستمگری
ایمدی جواب احسنه قیرخوندا گلمیشم
.
ایستکلی بیر قیزون ولی قالدی خرابه ده
خجلت زده بو موطنه قیرخوندا گلمیشم
.
شایقدی #حافظی دیه هرچند گورمیوب
بو قبر پاکه هر سَنَه قیرخوندا گلمیشم (1)
.
(1) سنه = سال
.
.
#اربعین_حافظی_تبریزی
#من_زینبم_که_شیونه_قیرخوندا_گلمیشم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای ویرن جمله پادشه لره تاج #حیدریه_دلسوز_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی