من زینبم که ناشر حق و حقیقتم #زینبیه_شاجری_زنجانی

#من_زینبم …
#بیاتیلار
.
✍️ #زبدةالاشعار ✍️
.
🆔: @nohe_torki
.
حاج رحمان #شاجری_زنجانی
.
من زینبم که ناشر حق و حقیقتم
عالم بیلور که حامی دین و شریعتم
ای شامین اهلی چالمیون ال من عزالیم
قارداشلاریم ئولوبدی منیم غرق محنتم
.
.
من زینبم آلیشدی منیم قلبیمین باشی
یاندیم سبوی صبریمی سیندیردی غم داشی
هئچ کس تاپانمادیم اورگیم دردینی دیم
چوخ سخت اولار ئوله باجینون یدّی قارداشی
.
.
من زینبم که اولمادی خم ظلمه قامتیم
چوخ غم چکوب اوجالدی ولی شأن و شوکتیم
بیر سؤز دئدیم یزیده او بزم شرابیده
بیلدی که وار نقدری اونا دلده نخوتیم
.
.
من زینبم اورکده غمون سینه داغلارام
قارداشلاریم ئولوبدی باشا قاره باغلارام
غملر یوروب قوجالتدی منی هارداسان حسین
ئولسمده قبریده سنه من گیزلین آغلارام
.
.
من زینبم حسیندی منیم باشیمین تاجی
ایستکلی قارداشیمدی حسین من اونا باجی
بس که محبتیم واریدی قلبیدن اونا
اوندان صورا اولوب منیم آغزیمدا قند آجی
.
.
من زینبم آیردی ائلیمدن فلک منی
آغلار قویوب منی ولی شاد ائتدی دشمنی
ظلمون الی منی وطنیمدن اوزاق سالوب
زهرا عزیزینون هارا گور اولدی مأمنی
.
.
من زینبم که باشه یتوب جان داریخمشام
چوخ غم چکوب زمانه ده هر آن داریخمشام
هجرآتشینده یاندی منیم قلبیمین باشی
قارداش هرایه گل سنه قربان داریخمشام
.
.
من زینبم که یولدا قالوبدی گوزوم حسین
بوندان علاوه فرقتیوه یوخ دؤزوم حسین
سینمده اوخلی کوینگوی ساخلارام ولی
گل آخرین نفسده سنه وارگوزوم حسین
.
.
#زینبیه_شهادت
#من_زینبم_که_ناشر_حق_و_حقیقتم
#ترکی
.
✍️ #زبدةالاشعار ✍️
.
🆔: @nohe_torki