من زینب آدلیام اودی باشی بلالیم #کوفه_واقف_سرابی

کوفه
.
#زبدةالاشعار
.
: @nohe_torki
.
مرحوم واقف سرابی
.
من زینب آدلیام اودی باشی بلالیم
قارداش مصیبتنده اورکدن یارالیام
.
بش ایل خانملق ایلدیقیم شهره گلمیشم
ایمدی حسین منی تانمولّار هارالیام
.
تاتار اسیری تک گزیرم چارسولری
آخر سنون غمینده بوگون لااُبالیم
.
اهل جفا قویوبلا بیزه خارجی آدی
گرچه بونی بُلولّه پیمبر عیالیم
.
آهو کیمی کمنده سالوب ائتدیلر شکار
صیّادیلر بولور حرم الله غزالیم
.
اولسام خلاص شمرین الیندن هارا گیدیم
هیچ بولمورم مدینه لیم، کربلالیم
.
کرب و بلاده سولدی گلوم خار اسیریم
سولموش گلون او بلبل پر بسته بالیم
.
ابن زیاد مجلسی چخدی خیالیدن
بیر مجلس یزید قالوبدور خیالیم
.
خاتونیدیم بو قومه، کنیز و غلامیدور
اونلار، لباس عیش گیوب من قرالیم
.
الده چالولّا دایره و دف حنا یاخان
سیره چخوب دیمولّه من آخر عزالیم
.
قانلو باشون دالنجا دوشوب شامه گلماقا
هر صبح و شام طالب روز وصالیم
.
چوخ گزمیشم چوخ اینجیمیشم چوخ یورولموشام
عشقونده بی وفا دگلم چوخ وفالیم
.
ایلولّه طعنه بیزلره نفرین ایتمرم
قالوا بلاده ایلدوگوم عهده حالیم
.
شامه گیرن زمان نجه خورشید گیزلنور
منده حجاب زلفله اگنی قرالیم
.
یا فاطمه دالیمجا گلورسن سراغیمه
شامون خرابه سینده تاپارسان نوالیم
.
.
#کوفه_واقف_سرابی
#من_زینب_آدلیام_اودی_باشی_بلالیم
#ترکی
.
#زبدةالاشعار
.
: @nohe_torki