من نوکرم و سرور و سالاریم حسیندی #حسینیه_حضرتی_ناعمی

در عشق به حضرت ابا عبدالله (ع)
..
..
..
..
حضرتی (ناعمی)
..
..
..
..
من نوکرم و سرور و سالاریم حسیندی
یوخ دلده غمیم غم گونی غمخواریم حسیندی
غمخواریم حسیندی
..
..
..
..
من عبدالحسینم منیم اربابیم حسیندی
سجده ائدرم قبله و محرابیم حسیندی
ویرانۀ دلده گهر نابیم حسیندی
دل باغلاموشام عشقینه دلداریم حسیندی
..
..
..
..
من مست حسینم منه مستانه دئیللر
یاننام شرر عشقیده پروانه دئیللر
دیوانه دئیللر منه دیوانه دئیللر
هئچ کیمله ایشیم یوخدی سر و کاریم حسیندی
..
..
..
..
چوخلار منی بو دهریده نفرتله آتاللار
یولداشلار اولوب یاد منی اغیاره قاتاللار
دنیانی سئونلر منی دنیایه ساتاللار
قوی مدعی ساتسین کی خریداریم حسیندی
..
..
..
..
ای مدعی اول دست توانا سنون اولسون
سیم و زر و زور هامیسی یکجا سنون اولسون
یئرگوی سنون اولسون هامی دنیا سنون اولسون
چوخ قاتما بو افکاریمی افکاریم حسیندی
..
..
..
..
بوشلا منی اوز باشیمه رؤیا منیم اولسون
محنت منیم اولسون غم عظما منیم اولسون
دنیا سنون اولسون گل زهرا منیم اولسون
گر بوشدی الیم گرمی بازاریم حسیندی
..
..
..
..
یوخدور منیم عالمده اگر جاه و جلالیم
نه پست و مقامیم نه ده بیر مال و منالیم
دنیاده الیم بوش، ولی راحتدی خیالیم
محشر گونی الدن یاپیشان یاریم حسیندی
..
..
..
..
من اوز شاهیمون جام جمین گؤرمسم ئوللم
روحیم سولوب عیسایی دمین گؤرمسم ئوللم
بو ایلده حسینون حرمین گؤرمسم ئوللم
سلطان عطابخش و مددکاریم حسیندی
..
..
..
..
#حسینیه #حضرتی_ناعمی #حسینیه_مدح #ورود_محرم #ترکی #زبدةالاشعار