منی محزون چوخ ائدر حالت محزونون على #اکبریه_راقم_اردبیلی

شهادت حضرت علی اکبر (ع)
زبانحال مادر
..
..
#سبک_یارالی_جان_یارالی … 4 سبک
..
..
مرحوم راقم اردبیلی
..
..
منی محزون چوخ ائدر حالت محزونون على
قدّ لیلانی بوکر قامت موزونون على
..
..
عمه لرله سنیله هم نفسم صبح و مسا
شیر جانیله گلوب حاصله بو قدّ رسا
چکمیشم زحمتون ای حاصل نورسته بسا
اولموشام عاشق سرگشتۀ مفتونون على
..
..
پایبندِ او خَمِ سلسلۀ کاکلووم
نیلوم ای مایۀ جان روز ازل مایلووم
آنووام گرچه سنون گیرم على سائلووم
لیلیِ غمزده ام طرفۀ مجنونون على
..
..
گتورور حالون اوغول ناله و فریاده منی
الى قوینوندا بئله قویما بو صحراده منی
ائتمه زلفون کیمی بو ورطه ده افتاده منی
حالیمه باخماقا آچ دیدۂ پر خونون على
..
..
بو خیالیله على چون سنی داماد ائدرم
گوگلومی حجله گه عیشویله شاد ائدرم
ایندی هجرونده من غمزده فریاد ائدرم
کفن اولموش سنه ده خلعت گلگونون على
..
..
یاره اوست اوسته دگوب پیکریوه گللر آچوب
تیر پیکان پر آچوب پنجۀ بلبللر آچوب
عرض حال ائتمگه خنجر یاراسی دللر آچوب
بیله حال اهلی مگر حالت مکنونون على
..
..
زلف مشگینون او نوعیکه خم اندر خم اولوب
قد لیلاده علیجان او نوعی خم اولوب
تار دل رشتۀ زلفون تک علی برهم اولوب
حالیم آشفته ائدوب حال دگرگونون على
..
..
فَلکِ عشق سن ای مطلق انوار مگر
کوکب تیر و سنان وار بدنونده بو قدر
سنده اثباته یتوب معجزۂ شقّ قمر
یانمادی قلبی مگر قنفذِ ملعونون على
..
..
اولما راضی على بو حالیله گریانون اولوم
عمرلر محنتیله بستۀ هجرانون اولوم
نطقه گل سنده دانیش بیر علی قربانون اولوم
قویما دلدن دوشه سرگشتۀ مأمونون على
..
..
«راقما» ماه محرم گلوب ای غرقه غم
چوخدا افسرده دل اولما اله آل سنده قلم
تاپا بو مطلعیله تا که صفا بزم اَلم
منی محزون چوخ ائدر حالت محزونون على
..
..
#اکبریه #راقم_اردبیلی #اکبریه_شهادت #ترکی #زبدةالاشعار