کوفه
خطبه حضرت زینب سلام الله علیها
.
✍️ زبدة الاشعار ✍️
?: @nohe_torki
.
مرحوم عابد تبریزی
.
من کارگاه مهر و وفا شاهکاریم
گنجینۀ وقار، دُرِ شاهواریم
.
مستورۀ ستبرق تقوا و حکمتم
سیّاله جوهرم رگ عصمتده جاریم
.
آئینۀ تجلّی جانان جلاسیم
زنگار آبگینۀ بیداد و خواریم
.
باران اشکیمیله صفای گل وفا
تقوائیله بهشت دیانت بهاریم
.
قید ستم محالدی پابند اولا منه
من رشتۀ وفاده محبّت شکاریم
.
طوبای باغ خلد وفا و محبّتم
بار فضیلت و ادبین شاخساریم
.
قلب کویری گلشن ایدر فیض منطقیم
رشح زلال معرفتین چشمه ساریم
.
من مفخرم قبیلۀ انسانه کونده
من یادگار فخر رسل یادگاریم
.
من پیروم حسینه ره عشق و شورده
من جان نثار حُسن ازل جان نثاریم
.
تا ماه آسمان امیدیم ایدوب غروب
شبهای تار هجرینین انجم شماریم
.
قارداشیمیله یتدی شهادت شرافته
منده اسارتین شرف و افتخاریم
.
هرگز نه تیره بخت اولی مقهور عشق اولان
من عشق و شور عزّتینون کامگاریم
.
گلرنگ اشک، دامنیمی گلشن ایلیوب
من نوبهار عشق و وفا لاله زاریم
.
بختیم گلی شکفته دی اعجاز عشقدن
گرچه خزان اولان گلومون داغداریم
.
یاندوقجا دل شرار غمه جان تاپور صفا
من بوتۀ غمین زر کامل عیاریم
.
راه خطرده سیر ایدرم پای شوقله
چون گوهر خزینۀ جان خواستاریم
.
مندندی زیب جوهرۀ عفّت و حیا
من گوش نوعروس ادب گوشواریم
.
مسندنشین کاخ رفیع کرامتم
هرچند راه عشق و وفا خاکساریم
.
مینلر بیله مصیبت اولا سهلدور که من
صبر و شهامتین جبل استواریم
.
من عشقین آبروسی اسارت کرامتی
سلم و رضا فضیلتی صبر اعتباریم
.
مژگان قلم، مداد سرشکیم، ورق یوزوم
سودای شور عشق، وقایع نگاریم
.
صیت وفا آدیملا دوتار جمله عالمی
من زینبم وفا و محبّت شعاریم
.
یتمز قرار و طاقتیمه ظلمدن خلل
امّا بو بی قرارلرین بیقراریم
.
درد ایتمرم حساب محبّت مصائبین
دردیم بودور که فرقت جانان دچاریم
.
هر یولدا سیر ایده باشی آرام جانیمون
آردینجا سایه تک او یولون رهسپاریم
.
سررشته عشق الینده دی، هرچند ظاهراً
من بو شکسته قافله سر رشته داریم
.
بیر ال قویولدی سینمه طغیان عشقده
علّت او الدی هر ستمین بردباریم
.
هرچند اوزوم محاط غم و درد و محنتم
بو غمکشیده قافله نون غمگساریم
.
آی آیت کرامت و احسان و معدلت
بیر عمریدور مصیبتیوین سوگواریم
.
بو شعرلر بهانه دی اظهار عجز ایدم
بیر درگهه که چشم به راه غباریم
.
بیر نظرۀ عطائیله ایت چاره دردیمه
«عابد» کیمی عنایتون امّیدواریم
.
#کوفه
#من_کارگاه_مهر_و_وفا_شاهکاریم
#عابد_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید